23 წლის თბილისელი ჩოგბურთელი ანა ტატიშვილი ამერიკის შეერთებული შტატების ღია პირველობის ძირითად ბადეში ითამაშებს. პირველ წრეში იგი სერბ ანა ივანოვიჩს შეხვდება.
ტურნირზე მე-13 ნომრად განთესილ მეტოქესთან დაპირისპირება იოლი არ იქნება. ჩვენებურმა ორი წლით უფროს სერბთან შარშანწინ ბირმინგემის ტურნირზე უშანსოდ წააგო - 1:6, 0:6.
ბოლო ტურნირებში ტატიშვილი ურიგოდ არ თამაშობს, ამიტომ არა გვგონია, ივანოვიჩს იოლი გასეირნება ელოდეს.
აშშ-ს ღია პირველობის ძირითადი ბადის მატჩები 26 აგვისტოდან დაიწყება. ივანოვიჩთან წარმატებით თამაშის შემთხვევაში ტატიშვილი ამერიკელ ვარვარა ლეპჩენკოს და რუმინელ ალექსანდრა დულგერუს შორის უძლიერესთან გაარკვევს
შარშან ტატიშვილმა ფრანგ ფორეც გაკონს, რუმინელ კირსტეას, ლუქსემბურგელ მინელას აჯობა და მერვედფინალში გასვლით რეიტინგი 280 ქულით გაიმდიდრა, ჩვენებურის წინსვლა ტურნირის მომავალმა ფინალისტმა ვიქტორია აზარენკამ შეაჩერა - 6:2, 6:2.
ყოველდღიური სპორტული გაზეთი "ლელო"
![მშობიარობის შემდეგ ანა ივანოვიჩი შესანიშნავ ფორმაშია [PHOTO]](/pictures/image7/3a0401116bd3c62626dd659421dbfb5a.jpg "მშობიარობის შემდეგ ანა ივანოვიჩი შესანიშნავ ფორმაშია [PHOTO]")
