ოთხი მოგება და ერთი მარცხი - ასეთი შედეგით დაასრულა ასპარეზობა სანკტ-პეტერბურგში ჩოგბურთელ ქალთა საერთაშორისო ტურნირზე (საპრიზო ფონდი 25.000 დოლარი) თბილისელმა სოფიო შაფათავამ, რომელიც შეჯიბრებაზე მეოთხე ნომრად იყო განთესილი. ჩვენებურმა, როგორც გაუწყეთ, ზედიზედ აჯობა რუს ალექსანდრა არტამონოვას (6:34, 6:1), ნორვეგიელ ულრიკე ეიკერის (7:6, 7:5), ჩვენს ჩრდილოელ მეზობელ მარინა მელნიკოვას (6:4, 7:5), უკრაინელ სოფია კოვალეცს (6:7, 6:2, 6:2) და 25 აგვისტოს გადამწყვეტი პაექრობა ტურნირის მე-6 ნომერ პოლინა ვინოგრადოვასთან (რუსეთი) დათმო - 4:6, 6:7.
შაფათავა მეორე ადგილზე გავიდა და სარეიტინგო 34 ქულაც დაიმსახურა.
ყოველდღიური სპორტული გაზეთი "ლელო"
