ქართველი ჩოგბურთელი სოფიო შაფათავა მოსკოვის საერთაშორისო ტურნირზე (საპრიზო ფონდი 25.000 დოლარი) მონაწილეობს და ზედიზედ ორ მეტოქეს სძლია. ჯერ, როგორც უკვე გაუწყეთ, ჩინელი იი იანი დაამარცხა (6:2, 6:3), 4 სექტემბერს კი მსგავსი ანგარიშით უკრაინელ განა როზნიხირენკოს დააყრევინა ფარ-ხმალი.
მეოთხედფინალში თბილისელი სპორტსმენი მასპინძელ ალიონა ტარასოვასთან (ამ უკანასკნელმა მე-6 ნომრად განთესილ თანამემამულე მარინა მელნიკოვას აჯობა - 7:6, 4:6, 6:0) გაარკვევს ურთიერთობას.
შეგახსენებთ, რომ შაფათავა მეორე ნომრადაა განთესილი. ასპარეზობის რეიტინგფავორიტი ნუდნიდა ლუანგნამი (ტაილანდი) უკრაინელმა ოლგა იანჩუკმა ჩამოიშორა გზიდან. მეოთხედფინალში უკრაინელი რუს ევგენია როდინას შეხვდება.
ყოველდღიური სპორტული გაზეთი "ლელო"
