კანადურ კვებეკში ჩოგბურთელ ქალთა საერთაშორისო ტურნირში (საპრიზო ფონდი 235.000 დოლარი) მონაწილეობს თბილისელი ანა ტატიშვილი. თავიდან მან წყვილებში აიღო სტარტი და წარმატებითაც - ამერიკელ ირინა ფალკონისთან ერთად ორ სეტში სძლია მე-4 ნომრად განთესილ კატალინა კასტანოს (კოლუმბია) და მირიანა ლუჩიჩბარონის (ხორვატია) დუეტს - 7:6, 6:4.
ერთეულებში ტატიშვილი 10 სექტემბერს ლუსი საფაროვას (ჩეხეთი) დაუპირისპირდა და ორ სეტში დამარცხდა: 3:6, 2:6.
წარმატებული სტარტი აიღო ოქსანა კალაშნიკოვამ ტრაბზონში (საპრიზო ფონდი 50 ათასი დოლარი). ერთეულებში მან 10 სექტემბერს ბააკ ერეიდინი (თურქეთი)
წყვილებში კალაშნიკოვა ალექსანდრა კრუნიჩთან (სერბეთი) ერთად პირველ ნომრადაა განთესილი და მე-2 წრეში უბრძოლველად გავიდა, რადგან თურქები იაქმურ აკდემირი და კემრე ანილი არ გამოუცხადდნენ.
ყოველდღიური სპორტული გაზეთი "ლელო"
