ბათუმში დასასრულს მიუახლოვდა ჩოგბურთელ ქალთა საერთაშორისო ტურნირი (საპრიზო ფონდი 25.000 დოლარი). 20 სექტემბერს ერთეულთა თანრიგში ნახევარფინალური შეხვედრები გაიმართა. თბილისელი სოფიო შაფათავა, რომელიც მე-6 ნომრად იყო განთესილი, ასპარეზობის რეიტინგფავორიტ ალექსანდრა პანოვას (რუსეთი) დაუპირისპირდა.
პირველ სეტში ტაიბრეიკებით შაფათავამ იმარჯვა - 7:5, მეორე ხელი პანოვამ მოიგო - 6:3. მესამეში ქართველ ჩოგბურთელს, რომელიც 0:1-ს აგებდა, ძველმა ტრავმამ შეახსენა თავი და ორთაბრძოლის გაგრძელება ვეღარ შეძლო.
ფინალში პანოვა გავიდა, სადაც ტურნირის მეორე ნომერს - უკრაინელ კატერინა კოზლოვას შეხვდება. ამ უკანასკნელმა ნახევარფინალში ალიაქსანდრა სასნოვიჩს (ბელარუსი) აჯობა -
წყვილთა გადამწყვეტ პაექრობაში ვალენტინა ივახნენკოს და კატერინა კოზლოვას (უკრაინა) დუეტმა იოლად დაჯაბნა ალიონა ფომინას (უკრაინა) და ქრისტინა შაკოვეცის (გერმანია) ტანდემი - 6:0, 6:4.
ბათუმის ტურნირის მონაწილეთა უმრავლესობა თელავში გადაინაცვლებს. სადაც 21 სექტემბერს ქალთა 50.000-იანი საერთაშორისო შეჯიბრების საკვალიფიკაციო შეხვედრები დაიწყება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
