ამერიკული ფლორენსი ჩოგბურთელ ქალთა საერთაშორისო ტურნირს (საპრიზო ფონდი 25.000 დოლარი) მასპინძლობს. თბილისელმა ანა ტატიშვილმა ასპარეზობის სტარტზე 23 ოქტომბერს "უაილდ ქარდით" მიწვეული ჩალენა შოლი (აშშ) გაანადგურა - 6:0, 6:1. მეორე წრეში ჩვენებური ამერიკელი ქეითლინ მკარდის მძლეველ (6:3, 6:2) ჯოსი კულმანს (აშშ) დაუპირისპირდება.
წარმატებით ითამაშა იაპონურ ჰუმამაცუში 25.000-იანი ტურნირის წყვილთა პაექრობაში სოფიო შაფათავამ - შვეიცარიელ ბელინდა ბენჩიჩთან ერთად იაპონელებს - მიიაბი ინოეუს და ჩიაკი ოკადაეს (ორივე - იაპონია) მოუგო - 3:6, 6:2, 10:5 და მეოთხედფინალში გავიდა, სადაც კუმიკო იჯიმას და აკიკო იონემურას
ანტალიის (თურქეთი) 10.000-იან ტურნირს შემორჩა ეკატერინე გორგოძე, რომელმაც როგორც ერთეულებში, ისე წყვილებში პირველი ბარიერი დაძლია. რაც შეეხება სოფიო ქვაცაბაიას, 23 ოქტომბერს იგი კიმბერლი ციმერმანთან დამარცხდა - 1:6, 4:6 და შეჯიბრებას გამოეთიშა, რადგან მანამდე წყვილებშიც, ესენ კოკჩესთან (თურქეთი) ერთად დათმო პირველი წრის შეხვედრა.
ყოველდღიური სპორტული გაზეთი "ლელო"
