შარშან, 8 ოქტომბერს ქართველი ჩოგბურთელი ანა ტატიშვილი, WTA-ს კლასიფიკაციით, 50-ე იყო. შემდეგ ტრავმების გამო ჩვენებურის შედეგებმა იკლო და წლეულს ანამ მეორე ასეულში გადაინაცვლა. და აი, ოთხი კვირაა, ტატიშვილი წარმატებებით ახარებს ქომაგებს. ერთი კვირის წინ ფლორენსის (აშშ) 25.000-იანი ტურნირის მოგებისთვის დამსახურებულმა 50-მა ქულამ ქართველ სპორტსმენს 22 საფეხურით დაწინაურების საშუალება მისცა და ამჟამად 499 ქულით 125-ეა (147-ე პოზიციიდან).
3 ნოემბერს ნიუ ბრაუნფელსში აღებული 70 ქულა მომავალ კვირას დაერიცხება. დანარჩენ ქართველთა სარეიტინგო მონაცემები ასეთია: 224 (229). სოფო შაფათავა (262), 281 (278). ოქსანა კალაშნიკოვა
ანა ტატიშვილი ამერიკაში დარჩა და კაპტივა აილენდის 50.000-იან ტურნირის მხოლოდ ერთეულთა თანრიგში მე-5 ნომრით მოსინჯავს ძალებს. სტარტზე ჩვენებურს "უაილდ ქარდით" მიწვეული იულია ბოსერუპი დაუპირისპირდება.
ანტალიის 10-ათასიან ტურნირში სამი ქართველი ჩაება: ეკატერინე გორგოძე, სოფიო ქვაცაბაია და ანა ქადაგიძე. გორგოძე მე-4 ნომრითაა განთესილი, სტარტზე მასპინძელ ესენ კოკჩეს დაუპირისპირდება; მე-8 ნომერი ქვაცაბაია გზიდან ნორა ენგელმანის (გერმანია) ჩამოშორებას შეეცდება, მით უმეტეს, ანტალიის წინა ტურნირის პირველ წრეში ალემანთან მარცხებისთვის რევანში აქვს ასაღები; ქადაგიძეს კი უკრაინელი ანასტასია შესტაკოვა გამოსცდის.
ორმა ჩვენებურმა 4 ნოემბერს წყვილებში ითამაშა: გორგოძე, ტაისია ზაკარლიუკი (უკრაინა)-ანა ბოგოსლავეტსი, ანასტასია შესტაკოვა (ორივე - უკრაინა) 6:2, 6:3; ქვაცაბაია, ესენ კოკჩე (თურქეთი)-ნორა ენგელმანი, დომინიკ ვაჰლი (გერმანია) 6:0, 6:4.
5 ნოემბერს კი კორტზე ქადაგიძე, ვიქტორია კუზმოვა (სლოვაკეთი) და ანა ბოგდანი, იოანა ბოგდანი (ორივე - რუმინეთი) შეხვდებიან ერთმანეთს.
ყოველდღიური სპორტული გაზეთი "ლელო"
