მცირე ხნის შესვენების შემდეგ თბილისელი ოქსანა კალაშნიკოვა ინდურ პუნეში ჩოგბურთელ ქალთა 25.000-იან საერთაშორისო ტურნირში ჩაება. 3 დეკემბერს მე-6 ნომრად განთესილი ჩვენებური ორჯერ გავიდა კორტზე. ჯერ ერთეულთა თანრიგში კსენია პალკინას (ყირგიზეთი) სძლია - 7:5, 6:2 და მეორე წრეში რიშიკა ფუჯივარას (იაპონია) დაუპირისპირდება.
წყვილებში ოქსანა კალაშნიკოვა პოლონელ მაგდა ლინეტესთან არის შეამხანაგებული. ისინი ტურნირის რეიტინგფავორიტები არიან.
სტარტზე ოქსანამ და მაგდამ მასპინძლები - "უაილდ ქარდით" მიწვეული პრერნა ბრამბრი და ნიდხი ჩილუმულა დაჯაბნეს - 6:2, 7:6; მეოთხედფინალში მათ დიდიბრიტანელები - ჟაკლინ რაე და ანა შმიტი
* * *
იტალიის ქალთა საერთაშორისო ტურნირში (საპრიზო ფონდი 10.000 დოლარი) მე-2 ნომრადაა განთესილი მარგალიტა ჩახნაშვილი. პირველ წრეში მან მასპინძელ ბიანკა ტურატის აჯობა - 7:6, 5:7, 6:4 და მე-2 წრეში მარტინა მონეს (იტალია) მძლეველ (6:1,6:3) ივა პრიმორაცს (ხორვატია) შეხვდება.
* * *
ანტალიაში, ქალთა 10.000-იან ტურნირში თამარ ჭალაგანიძე დაიანა დუკიჩთან (სერბეთი) სტარტზევე დამარცხდა - 1:6, 1:6.
ყოველდღიური სპორტული გაზეთი "ლელო"
