ინდურ ნავი მუმბაიში დაიწყო ჩოგბურთელ ქალთა საერთაშორისო ტურნირი (საპრიზო ფონდი 25.000 დოლარი), რომელშიც თბილისელი ჩოგბურთელი ოქსანა კალაშნიკოვაც მონაწილეობს. ერთეულთა თანრიგში იგი მე-8 ნომრადაა განთესილი. სტარტზე მან იოლად სძლია (6:1, 6:1) კსენია პალკინას (ყირგიზეთი), ვისთვისაც აქამდე სამჯერ ჰქონდა მოგებული. მეორე წრეში ჩვენებურს ინდოელი რუტუჯა ბროსალე დაუპირისპირდება, რომელმაც 10 დეკემბერს თანამემამულე რიშიკა სუნკარა ჩამოიშორა გზიდან - 6:4, 6:2.
წყვილებში ოქსანა კალაშნიკოვა დიანა მარკინკევიცასთან (ლატვია) არის შეამხანაგებული და ტურნირის რეიტინგფავორიტია. 10 დეკემბერს ამ დუეტმა დიანა ბოგოლისა (უკრაინა) და ანა მორგინას (რუსეთი) ტანდემს აჯობა
ყოველდღიური სპორტული გაზეთი "ლელო"
