ავსტრალიის ღია პირველობა: სუპერკლასიკო ნადალმა მოიგო

მელბურნში წლის "დიდი სლემის" პირველი ტურნირის, ავსტრალიის ღია პირველობის ნახევარფინალური მატჩი გაიმართა - საჩოგბურთო სუპერკლასიკოში ესპანელმა რაფაელ ნადალმა 7:6 (4), 6:3, 6:3 აჯობა შვეიცარიელ როჯერ ფედერერს.

ასე რომ, ნადალი ფინალშია და კარიერაში მეორე ავსტრალიური ტიტულისთვის იბრძოლებს კიდევ ერთ შვეიცარიელთან, სტანისლას ვავრინკასთან. სულ ნადალს "დიდი სლემის" 13 ტიტული აქვს მოგებული.