საქართველოს ახალგაზრდა ჩოგბურთელები თანატოლთა შორის კონტინენტის პირველობაზე გაემგზავრნენ. 16-წლიანებში საქართველოს სპორტულ ღირსებას დაიცავენ: გოგონებში - ანა ახალკაცი, მარიამ ბოლქვაძე და მედეა პეტრიაშვილი, ხოლო ბიჭებში - ირაკლი მეტრეველი, ვაჟა შუბლაძე და გუგა თავაძე; 14-წლიანებში - ანა შანიძე, მარიამ დალაქიშვილი, ნინო ნასიპიანი, ზურაბ ტყემალაძე, ნიკა დავლიანიძე და დავით ჭელიძე.
ეს ის გუნდია, რომლის წევრებიც ევროპის ახალგაზრდობის ოლიმპიური ფესტივალისთვის ემზადებიან. ამ შეჯიბრებას კი 2015 წელს თბილისი უმასპინძლებს. ფედერაციას ზემოთ დასახელებული ჩოგბურთელების დიდი იმედი აქვს, რადგამ მათ შარშან ბევრ ტურნირში ითამაშეს წარმატებით.
მაგალითად, ჩოგბურთის
დავლიანიძე რეიტინგში 60 საფეხურით დაწინაურდა. შარშანვე ვერის პარკის კორტებზე 12-წლამდელთა საერთაშორისო ტურნირი ერთეულებში ანა შანიძემ მოიგო, წყვილებში კი შანიძე და დალაქიშვილი ავიდნენ კვარცხლბეკის უმაღლეს საფეხურზე. დალაქიშვილმა ზაფხულში ჩეხეთის ტურნირზეც გაიმარჯვა. იმედია, ისინი არც ახლა შეირცხვენენ თავს.
ყოველდღიური სპორტული გაზეთი "ლელო"
