თბილისელი სოფიო შაფათავა მინსკში ჩოგბურთელთა საერთაშორისო ტურნირის (საპრიზო ფონდი 25.000 დოლარი) წყვილთა პაექრობაში წარმატებით ასპარეზობს. რუს ოლგა დოროშინასთან ერთად ჩვენებური მესამე ნომრადაა განთესილი. რუსულ-ქართულმა დუეტმა, როგორც გაუწყეთ, პირველ წრეში უკრაინელ დებს - ოლგა და ელიზავეტა იანჩუკებს სძლია - 6:4, 6:1, 12 ნოემბერს კი უფრო იოლად აჯობა რუსების - სოფია სმაგინას და ანასტასია შაულსკაიას ტანდემს - 6:2, 6:1 და ნახევარფინალში გავიდა, სადაც ანა შკუდუნსა (უკრაინა) და რებეკა სრამკოვას (სლოვაკეთი). შეხვედრა ამ წყვილმა მეოთხედფინალში ვალერია სავინიხი და ოლგა პუჩკოვა (ორივე
მეორე ნახევარფინალში ითამაშებენ: პემრა ოზგენი, იპეკ სოილუ (ორივე-თურქეთი)-ილონა კრემენი, ლიძია მაროზავა (ორივე-ბელორუსი).
შეგახსენებთ, რომ მინსკის ტურნირის ერთეულთა თანრიგში შაფათავა პირველ ნომრად იყო განთესილი, მაგრამ მოულოდნელად მასპინძელ სვიატლანა პირაჟენკასთან დამარცხდა - 4:6, 3:6.
შარმ ელ შეიხის (ეგვიპტე) ქალთა 25.000-იანი ტურნირის ძირითად ბადეში პირველი შეხვედრა ჩაატარა ეკატერინე გორგოძემ, რომელმაც ესპანელი ნურია პარიზას-დიაზი დაჯაბნა - 6:4, 6:2.
მერვედფინალში მე-5 ნომრად განთესილ პოლინა ვინოგრადოვას (რუსეთი) დაუპირისპირდება. ამ უკანასკნელმა გუშინ დაძაბულ პაექრობაში სძლია ჩეხ პერნილა მენდეშოვას - 7:5, 6:4.
წყვილებში გორგოძე და სოფიო ქვაცაბაია ეგვიპტურ ტურნირს სტარტზევე დაემშვიდობნენ.
ანტალიაში, ჩოგბურთელ ქალთა 10.000-იან ტურნირში ცდიდა ძალებს მარგალიტა ჩახნაშვილი-რანცინგერი. წყვილთა პაექრობაში მან ამინატ კუშხოვასთან ერთად სტარტზე გერმანელებს - კატარინა ჰერინგსა და ნორა ენგელმანს მოუგო, გუშინ კი მეოთხედფინალში კემრე ანილისა და ესენ კოკჩეს (ორივე - თურქეთი) წინააღმდეგ საპაექროდ კორტზე ვერ გავიდა, რადგან წყვილთა პაექრობამდე ერთეულებში მოსინჯა ძალები. რუმინელ ირინა მარია ბარასთან პირველი ხელი 5:7 დათმო, მეორეს 1:5-ს რომ აგებდა, ტრავმა მიიღო და ორთაბრძოლის გაგრძელება ვერ შეძლო.
ანტალიაშივე, ვაჟთა საერთაშორისო ტურნირში (საპრიზო ფონდი 10.000 დოლარი) მე-8 ნომრად ჩაება ალექსანდრე მეტრეველი. გუშინ პირველ წრეში მან სამ სეტში აჯობა ყაზახ დენის ევსეევს - 4:6, 6:4, 6:4 და მერვედფინალში კვალიფიკაციიდან აღზევებულ დენის მილოკოსტოვს (უკრაინა) გაუწევს მეტოქეობას. ამ უკანასკნელმა იან ჩოინსკი (გერმანია) ჩამოიშორა გზიდან.
მეტრეველმა წყვილებშიც გამოიჩინა თავი - უკრაინელ გლებ ალექსეენკოსთან ერთად დიმიტარ გრაბულსა (მაკედონია) და დენის მილოკოსტოვს (უკრაინა) მოუგო - 6:3, 2:6, 10:7 და მეოთხედფინალში ტურნირის რეიტინგფავორიტებს - სიუ ლიუსა და ვეიჯინ უენის (ორივე - ჩინეთი) მძლეველ უკრაინელებს - მარატ დევიატიაროვსა და ვლადისლავ მანაკოვს გაეჯიბრება.
ყოველდღიური სპორტული გაზეთი "ლელო"
