ავსტრალიის ღია პირველობა 19 იანვარს დაიწყება. შეჯიბრებაში იასპარეზებს თბილისელი ჩოგბურთელი ნიკოლოზ ბასილაშვილი, რომელმაც დოჰას საერთაშორისო ტურნირზე, როგორც გაუწყეთ, საკვალიფიკაციო ეტაპზე სამი პაექრობა მოიგო; ძირითადი ბადის სტარტზე მიხაილ იუჟნის (რუსეთი) აჯობა - 7:5, 6:2, ხოლო მეორე წრეში ხორვატ ივო კარლოვიჩთან დამარცხდა - 6:7 (3:7), 3:6. ამ ბოლო ორთაბრძოლის შემდეგ ბასილაშვილმა "ფეისბუქის" მეშვეობით მადლობა გადაუხადა გულშემატკივრებს აქტიური ქომაგობისთვის და ისიც დასძინა, რომ ხორვატთან დაპირისპირებისას შესაძლებლობის მაქსიმუმი ვერ აჩვენა.
ამჟამად იგი მელბურნში იმყოფება და ავსტრალიის ღია პირველობისთვის მოემზადება. Australian Open-ის საკვალიფიკაციო ეტაპის წილისყრის
12 იანვრიდან ანტალიაში, ჩოგბურთელ ქალთა 10.000-იან საერთაშორისო ტურნირზე აპირებენ თამაშს ეკატერინე გორგოძე და სოფიო ქვაცაბაია, რომლებიც, სავარაუდოდ, მეორე და მეხუთე ნომრებად იქნებიან განთესილნი.
ყოველდღიური სპორტული გაზეთი "ლელო"
![პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]](/pictures/image7/f7f913be9b90e25831c1617d82586db5.jpg "პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]")
