საქართველოს ჩოგბურთელ ქალთა ლიდერი სოფიო შაფათავა 2015 წელს კორტებზე პირველად გავიდა. იგი ამჟამად ამერიკაში იმყოფება და დეიტონა ბიჩის საერთაშორისო ტურნირში (საპრიზო ფონდი 25.000 დოლარი) ჩაება.
ერთეულთა თანრიგის პირველ წრეში მე-5 ნომრად განთესილმა ჩვენებურმა ჩეხი კატერინა კრამპეროვა დაამარცხა - 6:3, 6:3 და მერვედფინალში პაულა კრისტინა გონსალესს (ბრაზილია) შეხვდება.
ამ უკანასკნელმა ოლგა საეს ლარას (ესპანეთი) დააყრევინა ფარ-ხმალი - 6:4, 6:2.
წყვილებში შაფათავა უნგრელ რეკა-ლუკა იანისთანაა შეამხანაგებული და სტარტზე გზიდან ამერიკელების - სოფი ჩანისა და ენდი დანიელის ჩამოშორებას შეეცდება.
ტუნისში, ჩოგბურთელ ქალთა 10.000-იან
ბოლქვაძემ, სამწუხაროდ, ერთეულებში ვერ იყოჩაღა - პირველივე შეხვედრა დათმო ეგვიპტელ სანდრა სამირთან - 4:6, 3:6.
ავსტრალიის ღია პირველობაზე წყვილთა პაექრობას პირველსავე წრეში გამოეთიშა ოქსანა კალაშნიკოვა, რომელიც შეჯიბრებაში იაპონელ კურუმი ნარასთან ერთად ჩაება.
ქართულ-იაპონური დუეტი გერმანელი მონა ბარტელისა და ლუქსებურგელი მენდი მინელას ტანდემთან ორ სეტში დამარცხდა - 3:6, 5:7.
ყოველდღიური სპორტული გაზეთი "ლელო"
