ანტალიაში გრძელდება ჩოგბურთელ ქალთა საერთაშორისო ტურნირი (საპრიზო ფონდი 10.000 დოლარი). ერთეულებში მე-5 ნომრად განთესილმა სოფიო ქვაცაბაიამ მეორე ორთაბრძოლაც მოიგო. ამჯერად მან ბრაზილიელი ინგრიდ გამარა მარტინსი ჩამოიშორა გზიდან - 7:6, 6:2 და მეოთხედფინალში გავიდა, სადაც ასპარეზობის სტარტზე ეკატერინე გორგოძის მძლეველ კრისტინა შმიედლოვას (სლოვაკეთი) დაუპირისპირდება.
22 იანვარს ამ უკანასკნელმა მელისა შენოვიჩს (ბოსნია-ჰერცეგოვინა) აჯობა - 6:0, 6:1.
წყვილებში გორგოძემაც იასპარეზა (ორი დღის წინათ მან ერთეულებში ტრავმის გამო მეორე სეტის გაგრძელება ვერ შეძლო) და სოფიო ქვაცაბაისთან ერთად ქართველთა დუეტმა, რომელიც ასპარეზობის მეორე ნომერია, ინგრიდ
ჩვენები ნახევარფინალში ჩინელებს - სიიუ ჩენსა და იაჰონ ლის გაუწევენ მეტოქეობას. აზიელებმა მეოთხე ნომრად განთესილი ამერიკელები - დანიელ მილსი და თინა ტეჰრანი დაჯაბნეს - 6:7, 6:3, 10:7. მეორე ნახევარფინალში ითამაშებენ: მელის სეზერი (თურქეთი), ჩანელ სიმონდსი (სამხრეთი აფრიკა)-აილა აქშუ (თურქეთი), ლენკა ვიენდეროვა (სლოვაკეთი).
ტუნისის 10.000-იანი ტურნირის ნახევარფინალში ითამაშებს წყვილებში მარიამ ბოლქვაძეც, რომელმაც იულია ბრიზგალოვასთან ერთად (ისინი ტურნირის მე-4 ნომრები არიან) გუშინ იტალიელები - კორინა დენტონი და ჯორჯია მარჩეტი დაამარცხა - 6:3, 6:4. ქართულ-რუსული დუეტი ნახევარფინალში მეტოქეობას გაუწევს რეიტინგფავორიტებს - ესტელ კასკინოს (საფრანგეთი) და ისაბელა შინიკოვას (ბულგარეთი), რომლებმაც იაპონელებს - ტომიკო დოკეის და მიჩიკა ოზეკის მოუგეს - 6:4, 6:1.
ნახევარფინალში გავიდნენ მეორე და მესამე ნომერი დუეტები: ქრისტინა ჰრაბალოვა, ვენდულა ზოვინკოვა (ორივე - ჩეხეთი) და მირტილ ჟორჟესი, სელინ გესკერი (ორივე - საფრანგეთი).
წყვილებში იყოჩაღა საქართველოს ჩოგბურთელ ქალთა ლიდერმა სოფიო შაფათავამ, რომელიც დეიტონა ბიჩის (აშშ) 25.000-იან ტურნირში მონაწილეობს. ჩვენებურმა უნგრელ რეკა-ლუკა იანისთან ერთად ორ სეტში აჯობა სოფი ჩანგსა და ენდი დანიელს (ორივე - აშშ) - 6:2, 6:3. მეოთხედფინალში შაფათავა და იანი ელის მარტენსსა (ბელგია) და არანტხა რუსს (ჰოლანდია) შეხვდებიან.
ყოველდღიური სპორტული გაზეთი "ლელო"
