ანტალიაში, ჩოგბურთელ ქალთა საერთაშორისო ტურნირზე (საპრიზო ფონდი 10.000 დოლარი) 29 იანვარს მეორე წრის შეხვედრები გაიმართა. წარმატებით ითამაშეს ქართველებმა: ასპარეზობის რეიტინგფავორიტმა ეკატერინე გორგოძემ, როგორც სტარტზე, ამჯერადაც იოლად სძლია კვალიფიკაციიდან აღზევებულ უნგრელ რებეკა სტოლმარს - 6:1, 6:2. ნახევარფინალში თბილისელი ჩოგბურთელი სლოვაკ ლენკა ვიენოროვასთან გაარკვევს ურთიერთობას. ამ უკანასკნელმა მერვედფინალში გზიდან რუსი სოფია დმიტრიევა ჩამოიშორა - 6:0. 6:1.
მეოთხედფინალში გავიდა მე-6 ნომრად განთესილი სოფო ქვაცაბაიაც, რომელმაც რუს ნიკა კუხარჩუკს აჯობა - 6:3, 6:3.
30 იანვარს ჩვენებურს ასპარეზობის მესამე ნომერი, ბრიტანელი - ამანდა გარერასი დაუპირისპირდება.
ყოველდღიური სპორტული გაზეთი "ლელო"
