"დიდი სლემის" ტურნირების ორგზის ჩემპიონს, ფრანგ ამელი მორესმოს ჩოგბურთის საერთაშორისო დიდების დარბაზში შეიყვანენ, - იტყობინება სააგენტო AP. წყაროს ცნობით, ოფიციალური ცერემონია ამერიკის ქალაქ ნიუპორტში 18 ივლისს გაიმართება.
34 წლის მორესმომ WTA-ს ტურში გამოსვლა 2009 წლის დეკემბერში დაასრულა, რის შემდეგაც იყო საფრანგეთის ნაკრების კაპიტანი ფედერაციის თასზე, პარიზის საჩოგბურთო ტურნირის დირექტორი, ტელეკომენტატორი... ამჟამად ამელი ბრიტანელ ჩოგბურთელ ენდი მარეის ავარჯიშებს.
ყოველდღიური სპორტული გაზეთი "ლელო"
