თბილისელი სოფიო შაფათავა, როგორც უკვე ვწერდით, იტალიურ სოლარინოში ჩოგბურთელ ქალთა 10.000-იან ტურნირში ჩაება. ერთეულთა თანრიგის პირველი შეხვედრა მან მასპინძელ მარტა ბელუკოს მოუგო (6:4, 6:0) და მერვედფინალში დღეს სტეფანია რაბინის (იტალია) დაუპირისპირდება. შაფათავამ წყვილებშიც მოსინჯა ძალები ფინელ მია ნიკოლ ეკლუნდთან ერთად. სტარტზე მათ მასპინძლები - ვალენტინა სოტილე და მარიალუიზა ზირალი არ გამოუცხადდნენ, მეოთხედფინალში კი სამსეტიანი პაექრობის შემდეგ მეორე ნომრად განთესილ ფრანგებთან - ირინა რამიალისონსა და კოსტანცა სიბილესთან დამარცხდნენ - 3:6, 6:2, 7:10.
(იბეჭდება მცირე ცვლილებით)
ყოველდღიური სპორტული გაზეთი "ლელო"
