სლოვენიურ მარიბორში დამთავრდა ჩოგბურთელ ქალთა 25.000-იანი საერთაშორისო ტურნირი, რომელშიც ეკატერინე გორგოძემ, მასპინძელ ნასტია კოლარისთან ერთად, წყვილებში პირველი ადგილი დაიკავა. ასპარეზობის რეიტინგფავორიტმა ქართულ-სლოვენიურმა დუეტმა მეოთხედფინალში ანა კლასენი (გერმანია) და ზუზანა ლუკნაროვა (სლოვაკეთი) დაამარცხა - 7:6, 6:1, ნახევარფინალში ლენკა კუნჩიკოვასა და კაროლინა სტუჩლას (ორივე - ჩეხეთი) აჯობა - 6:1, 4:6, 6:1, გადამწყვეტ ორთაბრძოლაში კი კიდევ ერთი ჩეხური ტანდემი დაჯაბნა - პეტრა კრეიშოვა და კატერინა ვანკოვა ჩამოიშორა გზიდან - 6:2, 6:4 და მთავარი პრიზი მოიპოვა.
ერთეულებში კი გორგოძემ მეოთხედფინალური შეხვედრა დოროთეა ერიჩთან (სერბეთი)
იტალიურ პრადოში (საპრიზო ფონდი 25.000 დოლარი) გამოდიოდა თბილისელი სოფიო შაფათავა, რომელიც მეოთხედფინალში კრისტინს შმიედლოვას (სლოვაკეთი) დანებდა.
შაფათავა იტალიაშივე, ოღონდ ბრეშაში, 50.000-იანი ტურნირის კვალიფიკაციაში ჩაება. სტარტზე ნიკოლ ფოსა ჰუერგო (იტალია) ჩამოიშორა გზიდან - 6:1, 6:1, 31 მაისს კი დებორა ჩიესას (იტალია) აჯობა - 6:3, 6:1.
ამავე ტურნირის საკვალიფიკაციო ეტაპზე გორგოძე ფრანგ მირთი ჟორჟესთან 0:3-ს რომ აგებდა, ტრავმა მიიღო და კორტს ვერ დაუბრუნდა.
ყოველდღიური სპორტული გაზეთი "ლელო"
