ქართველ ჩოგბურთელ ქალთა ლიდერი სოფიო შაფათავა ბულგარეთის დედაქალაქ სოფიაში იმყოფება და იქაურ 25.000-იან საერთაშორისო ტურნირში მონაწილეობს. წყვილებში უკრაინელ ანასტასია ვასილიევასთან ერთად ასპარეზობის რეიტინგფავორიტია. სტარტზე ამ დუეტმა თურქებს - ჰულია და ლუფტი ესენებს აჯობა - 6:1, 6:2 და მეოთხედფინალში გავიდა, სადაც რუმინელებს - კრისტინა ადამესკუსა და ოანა გეორგეტა სიმიონს შეხვდება.
კარპატელთა ტანდემმა რუს ანასტასია კომარდინას და მასპინძელ იულია ტერზისკას მოუგო - 6:3, 6:4.
ერთეულებში მე-7 ნომრად განთესილი შაფათავა ოანა სიმიონის წინააღმდეგ მეორედაც გავა კორტზე - რუმინელთან პირველი წრის შეხვედრას გამართავს.
ყოველდღიური
