კუალა-ლუმპურში, ჩოგბურთელ ვაჟთა საერთაშორისო ტურნირში (საპრიზო ფონდი 1.041.540 დოლარი) წარმატებით აიღო სტარტი ნიკოლოზ ბასილაშვილმა. 23 წლის თბილისელმა, რომელიც მსოფლიო რეიტინგით 95-ეა, მეთექვსმეტედფინალში 28 წლის ყაზახი (რეიტინგით - 115) ალექსანდრ ნედოვესოვი დაამარცხა. პირველ სეტში ქართველმა ჩოგბურთელმა მეტოქეს 33 წუთში სძლია - 6:3, მეორეს 1:0-ს რომ იგებდა, ნედოვესოვმა ტრავმის გამო ასპარეზობის გაგრძელება ვერ შეძლო.
ჩვენებურმა 20 სარეიტინგო ქულა დაიმსახურა.
მეორე წრეში ბასილაშვილი 36 წლის ხორვატ ივო კარლოვიჩს დაუპირისპირდება. ზაგრებელი ჩოგბურთელი, რომელიც კლასიფიკაციით მეთვრამეტეა, კუალა-ლუმპურში მესამე ნომრადაა განთესილი და პირველ წრეში თავისუფალი იყო.
![პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]](/pictures/image7/f7f913be9b90e25831c1617d82586db5.jpg "პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]")
