ფოტოზე: ტატიანა მარია, ოქსანა კალაშნიკოვა და საქართველოს ძველი დროშა ტაბლოზეთბილისელმა ჩოგბურთელმა ოქსანა კალაშნიკოვამ გასულ კვირას ამერიკის ქალაქ კარლსბადის საერთაშორისო ტურნირის (საპრიზო ფონდი 125.000 დოლარი) წყვილთა პაექრობაში იასპარეზა.
გერმანელ ტატიანა მარიასთან ერთად პირველ ნომრად იყო განთესილი. ქართულ-გერმანულმა დუეტმა პირველ წრეში გზიდან ჩამოიშორა ელიზა კოსტოვას (ბულგარეთი) და მარინა მელნიკოვას (რუსეთი) ტანდემი - 6:2, 6:3, შემდეგ მეოთხე განთესვის მქონე იულია გლუშკოს (ისრაელი) და რებეკა პეტერსონს (შვედეთი) მოუგო - 7:6, 6:3, გადამწყვეტი პაექრობა კი გაბრიელა სეს (ბრაზილია) და პარაგვაელ ვერონიკა სეპედე როიგის წყვილთან
არადა, პირველი ხელის მოგების შემდეგ მეორე სეტშიც წინ ოქსანა და ტატიანა იყვნენ 3:0. საინტერესოა ისიც, რომ ოქსანას გვარის გასწვრივ ჩვენი ქვეყნის ძველი დროშა იყო გამოსახული. ეტყობა, საქართველოს ახალ სიმბოლიკებს ამერიკის ზოგიერთ შტატამდე ჯერ კიდევ არ მიუღწევია.
მარცხის მიუხედავად, კალაშნიკოვამ 95 სარეიტინგო ქულა დაიმსახურა. მსოფლიოს განახლებულ კლასიფიკაციაში იგი ახლა წყვილებში 1080 ქულით 70-ეა. წინა კვირასთან შედარებით ხუთი საფეხურით წინ წაიწია.
წყვილებში დანარჩენ ჩვენებურთა მაჩვენებლები ასეთია: 137 (135). სოფიო შაფათავა (492), 160 (155). ეკატერინე გორგოძე (417), 347 (346). სოფიო ქვაცაბაია (147), 672 (670). მარიამ ბოლქვაძე (45), 773 (772). თინათინ ყავლაშვილი (30), 1113 (1105). ანა ახალკაცი (11), 1113 (1105). ანა შანიძე (11), 1186 (1181). თამარ ჭალაგანიძე (9).
ერთეულები. 208 (216). სოფიო შაფათავა (249), 378 (395). ეკატერინე გორგოძე (95), 384 (377). სოფიო ქვაცაბაია (93), 466 (507). მარიამ ბოლქვაძე (63), 650 (647). ოქსანა კალაშნიკოვა (31), 771 (866). თინათინ ყავლაშვილი (20), 1100 (1096). თამარ ჭალაგანიძე (7), 1201 (1197). ანა შანიძე (4).
მიმდინარე კვირას ორი ქართველი ჩოგბურთელი ანტალიის ჩოგბურთელ ქალთა საერთაშორისო ტურნირში (საპრიზო ფონდი 10.000 დოლარი) ჩაებმება. სოფიო ქვაცაბაია მესამე ნომრადაა განთესილი და სტარტზე ანი დონალდსონს (ავსტრალია) შეხვდება, ხოლო განთესვით მეოთხე ნომერი ელენე გორგოძე უკრაინელ ალონა ფომინასთან გაარკვევს ურთიერთობას.
საგულისხმოა, რომ უკრაინელი წყვილებში სოფიო ქვაცაბაიასთან არის შეამხანაგებული და შეჯიბრების რეიტინგფავორიტია. ქართულ-უკრაინული დუეტი შეჯიბრებაში მეოთხედფინალიდან ჩაებმება და პეტია არშინკოვა (ბულგარეთი)-ელენა გაბრიელა რუსეს (რუმინეთი) და რუსების - იულია კულიკოვა-ეკატერინა ოვჩარენკოს დუეტებს შორის გამარჯვებულს შეხვდება.
ეკატერინე გორგოძე და ალინა ზუბკოვა (ბელორუსი) ჯული რენსონსა (საფრანგეთი) და ალექსანდრა სტახანოვას (უზბეკეთი) გაუწევენ მეტოქეობას.
(იბეჭდება მცირე ცვლილებით)
ყოველდღიური სპორტული გაზეთი "ლელო"
