იაგო კილაძე ვლადიმირ კლიჩკოს ჯენინგსთან ბრძოლისთვის მაიამიში მოამზადებს

უკრაინის სახელით მოასპარეზე ქართველი მოკრივე იაგო კილაძე სუპერმძიმე წონაში IBF, WBA, WBО, IBO ვერსიებით მსოფლიოს ჩემპიონ ვლადიმირ კლიჩკოს ამერიკელ ბრაიანტ ჯენინგსთან ბრძოლისთვის მოამზადებს.

უმცროსი კლიჩკო-ჯენინგსის შეხვედრა 25 აპრილს, ნიუ იორკში, ცნობილ არენა Madison Square Garden-ში შედგება.

იაგო მაიამიში 28 მარტს გაემგზავრება, რათა უკრაინელი მოკრივის საწვრთნელ ბანაკს შეუერთდეს. იქ, მის გარდა, კლიჩკოს სპარინგ-პარტნიორობას ახალზელანდიელი მოკრივე ჯოზეფ პარკერი და პოლონელი იუზუაგბე უგონოხიც გაუწევენ.

ცნობისთვის, ქართველი მოკრივე, რომელსაც პროფესიულ რინგზე 90,7 კგ-მდე წონით კატეგორიაში გამართული 23 შეხვედრიდან 22 მოგებული აქვს (15 ნოკაუტით) და მხოლოდ ერთხელ დამარცხდა, კლიჩკოს ბრძოლისთვის მომზადებაში უწინაც დახმარებია - კუბრატ პულევთან შეხვედრის წინ.