ოლიმპიური ჩემპიონი ზურაბ ზვიადაური კოალიცია "ქართულ ოცნებას" შეუერთდა. ზვიადაური დღეს გამართულ პრესკონფერენციაზე "ქართული ოცნების" პრესსპიკერმა, მაია ფანჯიკიძემ წარადგინა."ბიძინა ივანიშვილთან ერთად ვიბრძოლებ "ოცნების" სასახელოდ. ქვეყანა კატასტროფისკენ მიდის. ბიძინა ივანიშვილი მოგვევლინა, რომ გადაარჩინოს ქვეყანა და მე ამ ბრძოლაში მასთან ვარ", - აღნიშნა ზვიადაურმა და დასძინა, რომ, ზეწოლის მიუხედავად, მაინც გადაწყვიტა, "ქართული ოცნების" წევრი გამხდარიყო (იხილეთ ვიდეო).
ზვიადაური ძიუდოში ოლიმპიური ჩემპიონი ათენის ოლიმპიადაზე 2004 წელს გახდა.
palitratv.ge
