თვალი გადავავლოთ გასულ თვეს, რას მიაღწიეს ქართველმა სპორტსმენებმა და რა დაკარგეს. თვის ყველაზე დიდი ამბავი 5 სექტემბერს მოხდა, როცა ფიბამ საჩუქარი გაუკეთა ქართული კალათბურთის გულშემატკივარს, ევროპის ჩემპიონატზე 16-დან 24-მდე გაზარდა მონაწილეთა რიცხვი და ჩვენი გუნდიც ფინალურ ეტაპზე დაუშვა. ყველაზე ცუდი ამბავი კი ტოკიოში შეგვემთხვა, როცა ოლიმპიურმა ჩემპიონმა ირაკლი ცირეკიძემ ბრძოლაზე დააგვიანა და ის შეჯიბრებიდან მოხსნეს.
3. ფეხბურთი: ევრო-2012-ის პირველ შესარჩევ მატჩში საქართველოს ნაკრები საბერძნეთს ესტუმრა და 1:1 ითამაშა.
4. მშვილდოსნობა: მსოფლიოს თასის ბოლო ეტაპზე საქართველოს ქალთა ნაკრებმა მე-4 ადგილი დაიკავა.
5.
5. კალათბურთი: ფიბამ ევროპის ჩემპიონატზე მონაწილე გუნდების რაოდენობა16-დან 24-მდე გაზარდა. საქართველოს ნაკრებიც ყოველგვარი დამატებითი საკვალიფიკაციო წრის გარეშე მოხვდა ჩემპიონატზე.
6-8. ბერძნულ-რომაული ჭიდაობა: საქართველოს ნაკრებმა მოსკოვში, მსოფლიოს ჩემპიონატზე წარუმატებლად იასპარეზა - არც ერთი მედალი.
7. ფეხბურთი: ახალგაზრდულმა ნაკრებმა მარცხით დაასრულა ევროპის ჩემპიონატის შესარჩევი ეტაპი, შინ სომხეთთან 0:2 წააგო და საბოლოოდ მე-3 ადგილზე გავიდა.
7. ფეხბურთი: ეროვნულმა ნაკრებმა ევრო-2012-ის შესარჩევ მატჩში შინ 0:0 ითამაშა ისრაელის ნაკრებთან.
9. ძიუდო: მსოფლიოს ჩემპიონატზე ტოკიოში ირაკლი ცირეკიძემ შეხვედრაზე დააგვიანა და ტურნირიდან მოხსნეს.
11. თავისუფალი ჭიდაობა: გიორგი გოგშელიძემ მოსკოვში გამართულ მსოფლიოს ჩემპიონატზე მე-3 ადგილი დაიკავა.
12. სუმო: ისტორიაში პირველად ტოკიოს ბაშო სამი ქართველი სუმოისტით დაიწყო.
12. თავისუფალი ჭიდაობა: ლევან ბერიანიძემ მოსკოვში მიმდინარე მსოფლიოს ჩემპიონატზე მე-3 ადგილი დაიკავა.
17. ძიუდო: ბულგარეთში, ევროპის ახალგაზრდულ ჩემპიონატზე ოქროს მედალი ოთარ კაიდარაშვილმა მოიპოვა.
17. ძიუდო: გაიმართა ფედერაციის აღმასკომის სხდომა, ეროვნული ნაკრების შტაბი მთელი შემადგენლობით გადადგა.
18. ძიუდო: ევროპის ახალგაზრდულ ჩემპიონატზე ოქროს მედალი ავთანდილ ჭრიკიშვილმა მოიპოვა.
19. ფეხბურთი: ჰოლანდიის ჩემპიონატში, "ვიტესის" რიგებში გურამ კაშიას დებიუტი შედგა.
20. ძიუდო: თანამდებობა დატოვა ფედერაციის პრეზიდენტმა დილარ ხაბულიანმა. ეროვნულ ნაკრებს სოსო ლიპარტელიანი
გაწვრთნის.
21. ჭიდაობა: ფედერაციის პრეზიდიუმის სხდომაზე თანამდებობა ვიცე-პრეზიდენტმა რომან რურუამ დატოვა.
22. ჭადრაკი: ხანტი-მანსიისკიში (რუსეთი) მორიგი საჭადრაკო ოლიმპიადა დაიწყო.
26. ფეხბურთი: თანამდებობა დატოვა ქუთაისის "ტორპედოს" მთავარმა მწვრთნელმა ნესტორ მუმლაძემ.
26. სუმო: უმაღლეს დივიზიონში მოასპარეზე სამივე ქართველმა ბაშო დადებითი ბალანსით დაასრულა: გაგამარუ (10-5), ტოჩინოშინი (9-6), კოკაი (8-7).
27. კალათბურთი: მანუჩარ მარკოიშვილი "ლომბარდიის თასის" საუკეთესო მოთამაშედ დაასახელეს.
