სოჭის მოახლოებული ოლიმპიადის წინ ამერიკული ჟურნალის, The New Yorker-ის ახალი ნომრის გარეკანზე განთავსებულია რუსეთის ფედერაციის პრეზიდენტის, ვლადიმირ პუტინის კარიკატურა.პუტინი ფიგურისტის როლშია გამოსახული, რომელიც ნომერს ასრულებს. ყველა მსაჯიც, რომელიც გამოსვლას აფასებს, რუსეთის პრეზიდენტი გახლავთ.
ჟურნალი 3 თებერვალს გამოვა გაყიდვაში.
ვლადიმირ პუტინი ადრეც გამხდარა უცხოურ პრესაში კარიკატურების გმირი. გასული წლის აგვისტოში ბრაზილიური ჟურნალის, Piaui-ს ყდაზე პუტინი კოცნიდა დაზვერვის ცენტრალური ბიუროს ყოფილ თანამშრომელს, ედვარდ სნოუდენს, რომელმაც რუსეთში დროებითი თავშესაფარი მიიღო.
ყოველდღიური სპორტული გაზეთი "ლელო"
