ქართველი მოჭადრაკეები ირანში ლიდერს ქულით ჩამორჩებიან

ირანულ თავრიზში მოჭადრაკეთა საერთაშორისო ტურნირზე ხუთი ტური მიილია. უდანაკარგოდ ლიდერობს პურია დარინი (ირანი), რომელმაც გუშინ თეთრი ფიგურებით რასულ იბრაჰიმოვი (აზერბაიჯანი) დაამარცხა. 4,5-4,5 ქულა მოაგროვეს ეჰსან მაგჰამი ჩაემმა (ირანი) და ტიგრან კოტანჯიანმა (სომხეთი), რომლებმაც, შესაბამისად, რასოლ ჩანბარის (ირანი) და იბრაჰიმ ანმადინიას (ირანი) სძლიეს.

ქართველ მოჭადრაკეთა ბოლო ტურის პარტიები ასე დამთავრდა: გაიოზ ნიგალიძე - ლევან ფანცულაია 0,5:0,5, შოთა აზალაძე - ასგარ გოლიზადენი (ირანი) 0,5:0,5, სოჰეი ასნააშარი (ირანი) - მალხაზ სულაშვილი 0:1, სორუშ ასნააშარი (ირანი) - ბაჩანა მორჩიაშვილი 0:1. ხუთივე ქართველმა მოჭადრაკემ 4-4 ქულას მოუყარა თავი და მეოთხე-მეთვრამეტე ადგილებს იყოფენ.

მეწინავენი მე-6 ტურში ასე დაწყვილდნენ: კოტანჯიანი (4,5) - დარინი (5), ფანცულაია (4) - ჩაემი (4,5), იბრაჰიმოვი (4) - ჩანბარი (4), მორჩიაშვილი (4) - რასულოვი (4), ხალესი (4) - კოვალიოვი (4), გოლიზადენი (4) - ჰუსეინზადენი (4), სევდიმალიევი (4) - ნიგალიძე (4), სულაშვილი (4) - არიანეჯადი (4), ჰურესმაელი (4) - აზალაძე (4).

შეჯიბრების დამთავრებამდე 6 ტური დარჩა.

ყოველდღიური სპორტული გაზეთი "ლელო"