4 ივნისს მე-8 ტურის შეხვედრები გაიმართა. ტიტულისკენ კიდევ ერთი ნაბიჯი გადადგა საქართველოს მრავალგზის ჩემპიონმა ნინო ხურციძემ, რომელმაც შავი ფიგურებით 55-ე სვლაზე მაკა ფურცელაძეს სძლია და ექვსი ქულით ერთპიროვნულად დაწინაურდა.
6 ტურის შემდეგ ფურცელაძე მეწინავეთა შორის იყო. ბოლო ორ ტურში მარცხმა იგი ლიდერებს ჩამოაშორა.
ფაქტობრივად, უბრძოლველად - მე-12 სვლაზე დაზავდნენ მაია ლომინეიშვილი და სალომე მელია, ანა
საგრძნობლად გამოასწორა სატურნირო მდგომარეობა საქართველოს ორგზის ჩემპიონმა ინგა ხურცილავამ - 4 ივნისს მან ლიკა კობეშავიძე დაამარცხა და 4,5 ქულით ლომინეიშვილთან, ბაციაშვილსა და მელიასთან ერთად მეხუთე-მერვე ადგილებს ინაწილებს.
84 სვლა დასჭირდა სოფიკო გურამიშვილს სეხნია - სოფიკო ხუხაშვილის წინააღმდეგობის დასაძლევად.
უფიგუროდ დარჩენილი 2008 წლის მსოფლიო საჭადრაკო ოლიმპიადის გამარჯვებული ხუხაშვილი დიდხანს იცავდა თავს, მაგრამ სწორედ 84-ე სვლაზე გახდა იძულებული, საათი გაეჩერებინა.
გასაკვირია ნიჭიერი ახალგაზრდა დიდოსტატის, თანატოლებში მსოფლიოს და ევროპის პირველობების მრავალგზის ჩემპიონის - მერი არაბიძის უღიმღამო თამაში.
მას უფროსებშიც არაერთხელ უსახელებია თავი. ამჟამად კი აშკარად არ არის სპორტულ ფორმაში, რასაც სოფიო გვეტაძესთან 4 ივნისს განცდილი მარცხიც მოწმობს. მერიმ ამ ჩემპიონატზე რვიდან 5 პარტია წააგო.
სატურნირო მდგომარეობა 8 ტურის შემდეგ: ხურციძე - 6, ლომინეიშვილი, მელია, ბაციაშვილი - 5,5-5,5, ხუხაშვილი, გურამიშვილი, ფურცელაძე, ხურცილავა - 4,5-4,5, გვეტაძე - 4, არაბიძე - 2, კუჭავა - 1, კობეშავიძე - 0,5 ქულა.
5 ივნისს, მე-9 ტურში ითამაშებენ: ხურცილავა - ბაციაშვილი, ხურციძე - კობეშავიძე, გურამიშვილი - ფურცელაძე, არაბიძე - ხუხაშვილი, მელია - გვეტაძე, კუჭავა - ლომინეიშვილი.
ყოველდღიური სპორტული გაზეთი "ლელო"