ჰავანას გრან-პრი: ვაჟა მარგველაშვილმა ბრინჯაო მოიპოვა

ჰავანაში დაწყებულ ძიუდოიუსტთა გრან-პრის პირველ დღეს ბრინჯაოს მედალი მოიპოვა ვაჟა მარგველაშვილმა.

66 კგ-მდე წონით კატეგორიაში მოასპარეზე ქართველმა ძიუდოისტმა მედლისთვის შეხვედრაში გერმანელ სებასტიან სეილდს აჯობა. მანამდე ვაჟა, სამი შეხვედრის მოგების შემდეგ, ტურნირის ნახევარფინალში ფრანგ ლოიკ კოვრალს ვერ გაუმკლავდა.

აღსანიშნავია, რომ 60 კგ-მდე წონით კატეგორიაში ვერცხლი თურქეთის სახელით მოჭიდავე ბეთქილ შუკვანმა (ბექირ ოზლუ) მოიპოვა.

ჰავანაში საქართველოს ნაკრებიდან 100 კგ-მდე წონით კატეგორიაში ალექსანდრე მსხალაძე და გურამ თუშიშვილიც იასპარეზებენ. ამ წონაში მედლები 24 იანვარს გათამაშდება.

შეგახსენებთ, რომ ამ წონით კატეგორიებში საქართველოს ძიუდოსტთა ნაკრებს რიო დე ჟანეიროს 2016 წლის ოლიმპიადის ლიცენზიები განაღდებული ჯერ კიდევ არ აქვს.