20 თებერვალს დიუსელდორფის გრან-პრიზე საქართველოს ძიუდოისტთა ნაკრებს მეორე ბრინჯაოს მედალი ლაშა შავდათუაშვილმა 73 კგ-მდე წონით კატეგორიაში მოუპოვა. ევროპისა და ოლიმპიურმა ჩემპიონმა ნახევარფინალში აზერბაიჯანელი რუსტამ ორუჯოვის ბარიერი ვერ დაძლია, ბრინჯაოსთვის შეხვედრაში კი სლოვენიელ როკ დრაკშიჩს სუფთად მოუგო.
ამავე წონით კატეგორიაში სტარტზევე გამოეთიშა ასპარეზობას ნუგზარ ტატალაშვილი.
ნახევარფინალში დამარცხების შემდეგ, ბრინჯაოსთვის იჭიდავა გიორგი პაპუნაშვილმაც (-81 კგ), მაგრამ გერმანელ დომინიკ რესელს ვერ გაუმკლავდა.
შეგახსენებთ, რომ ტურნირის პირველ დღეს ბრინჯაო ვაჟა მარგველაშვილმა (-66) მოიპოვა.
ტურნირი კვირას დასრულდება და საქართველოს ნაკრებიდან მედლებისთვის ბექა ღვინიაშვილი, ლაშა ტაველური (ორივე -100), ადამ ოქრუაშვილი და ლევან მატიაშვილი (ორივე +100) იბრძოლებენ.
ასევე იხილეთ:
დიუსელდორფის გრან-პრი. I დღე: მარგველაშვილის ბრინჯაო და იპონი
![ლაშა შავდათუაშვილი პარიზის ოლიმპიადას პირველივე ეტაპიდან გამოეთიშა [VIDEO]](/pictures/image7/cb93a1e514b3c7ec892c920acc8eb158.png "ლაშა შავდათუაშვილი პარიზის ოლიმპიადას პირველივე ეტაპიდან გამოეთიშა [VIDEO]")
