ევროპის ახალგაზრდული ჩემპიონატი: ორი ოქროს და 2 ბრინჯაოს შანსი

გერმანიის ქალაქ დორტმუნდში მიმდინარე ბერძნულ-რომაული სტილით მოჭიდავეთა ევროპის ახალგაზრდულ ჩემპიონატზე ქართველ ფალავნებს 4 მედლის - 2 ოქროსა და 2 ბრინჯაოს მოპოვების შანსი აქვთ.

დღეს, 1-ელ ივლისს ასპარეზობაში ოთხი ქართველი მოჭიდავე ჩაება. ფინალში გავიდნენ და ჩემპიონობისთვის იბრძოლებენ რამაზ სილაგავა (50) და ლერი აბულაძე (60), ხოლო ბექა მამუკაშვილი (74) და გიორგი ბარბაქაძე (96) ბრინჯაოს მოპოვებას შეევდებიან.

დორტმუნდში ფინალური ბლოკი თბილისის დროით 20:00 საათზე დაიწყება და შეხვედრების ლაივ-სთრიმით ნახვა ქომაგას ამ ბმულზე შეეძლება.