ჭიდაობა

თავისუფალი ჭიდაობა

ევროპის ჩემპიონატი: დავით მარსაგიშვილი ბრინჯაოს ვერ შესწვდა

AutoSharing Option
2 მაისს, სერბეთის ქალაქ ნოვი სადში დაწყებულ თავისუფალი სტილით მოჭიდავეთა ევროპის ჩემპიონატზე, პირველ დღეს, საქართველოს ნაკრები უმედლოდ დარჩა.

ბრინჯაოს მედლისთვის იჭიდავა დავით მარსაგიშვილმა (86), მაგრამ უნგრელ ისტვან ვერებთან თანაბარ ბრძოლაში (2-2) დამარცხდა.

ქართველი ფალავანი ჩემპიონატის ნახევარფინალში რუს დაურენ კურუგლიევთან ბოლო წამებზე დასანანი შეცდომის გამო დამარცხდა (2-4), მანამდე კი მოლდოველ დენის ბალაურს (11-6) და ფინელ ტაპანი ჰეინოს (7-1) გაუსწორდა.

წარუმატებლად იასპარეზა დებიუტანტმა ოთარ გოგავამაც (57), რომელმაც სასტარტო შეხვედრა დათმო ისრაელის წარმომადგენელ იური ჰოლუბთან (0-10).

აღსანიშნავია, რომ უმჩატეს წონაში ოქროს მედალი აზერბაიჯანის
სახელით მოჭიდავე გიორგი ედიშერაშვილმა მოიპოვა.

3 მაისს ევროპის ჩემიონატზე თავისუფალი სტილით მოჭიდავე 65 და 97 კგ-მდე წონითი კატეგორიის ვაჟები იასპარეზებენ. საართველოს ნაკრებიდან მედლებისთვის, შესაბამისად, ზურაბ იაკობიშვილი და ელიზბარ ოდიკაძე იბრძოლებენ.