საქართველომ მეორე ოლიმპიური ვერცხლის მედალი მიითვალა. 11 აგვისტოს თავისუფალი სტილით მოჭიდავე დავით მოძმანაშვილმა 120 კგ წონით კატეგორიაში ბრწყინვალედ იასპარეზა და მხოლოდ ფინალში, გამოცდილ უზბეკ ფალავანთან - არტურ ტაიმაზოვთან დამარცხდა. გადამწყვეტი ორთაბრძოლის პირველი პერიოდი მეტოქეებმა ერთმანეთის დაზვერვით დაიწყეს. რისკზე წასვლას არც ქართველი და არც უზბეკი ცდილობდა და საბოლოოდ საქმე ბურთულის ამოღებაზე მიდგა. ტაიმაზოვმა ლურჯი - მოძმანაშვილის ფერი ამოიღო, რითაც ქართველ ფალავანს პერიოდის მოგების კარგი შანსი მიეცა.
სამწუხაროდ, დათომ შანსი ვერ გამოიყენა, ქულა უზბეკმა მოიპოვა და პერიოდის გამარჯვებულიც ეს უკანასკნელი გახდა.
მეორე
დათომ დარჩენილ მცირე დროში ვითარების გამოსწორება ვეღარ შეძლო და საბოლოოდ გამარჯვება უზბეკ ფალავანს დარჩა (იხილეთ ვიდეო). ამრიგად, 11 აგვისტოს მოასპარეზე თავისუფალი სტილით მოჭიდავეებმა ლონდონის ოლიმპიადაზე ქართველთა მონაგარი ექვს მედლამდე გაზარდეს.
შეგახსენებთ, ლონდონში ოქრო ძიუდოისტმა ლაშა შავდათუაშვილმა დაისაკუთრა; ვერცხლის მედლებს, მოძმანაშვილის გარდა, ბერძნულ-რომაული სტილით მოჭიდავე რევაზ ლაშხი და თავისუფალი სტილით მოჭიდავე ლადო ხინჩეგაშვილი დაეუფლნენ; ბრინჯაოს პრიზიორები კი ბერძნულ-რომაული სტილით მოჭიდავე მანუჩარ ცხადაია და თავისუფალი სტილით მოჭიდავე დავით მარსაგიშვილი გახდნენ.
ასევე იხილეთ:
დავით მოძმანაშვილმა რუსი დაამარცხა და ოლიმპიადის ფინალშია! [+VIDEO]
დავით მოძმანაშვილმა ყაზახი მეტოქე იოლად ჩამოიცილა და ნახევარფინალშია
დავით მოძმანაშვილმა ოლიმპიადა გამარჯვებით დაიწყო [+VIDEO]
იღბლიანი წილისყრა - ქართული ტრიოს სამი მედლის რეალური შანსი
