ჰოკეის ეროვნულმა ლიგამ გასული კვირის პირველ ვარსკვლავად "სენტ ლუის ბლუზის" ფორვარდი იორი ლეჰტერა დაასახელა. მისმა გუნდმა სამიდან სამი მატჩი მოიგო და ლეჰტერას წვლილი ამაში მნიშვნელოვანია. მან გასულ შვიდ დღეში ოთხი გოლი და ექვსი შედეგიანი პასი დააგროვა. ფინელმა განსაკუთრებით გამოიჩინა თავი "ბაფალოსთან" მატჩში, როცა კარიერაში პირველი ჰეთ-თრიკი შეასრულა. ლეჰტერა შვიდი მატჩია უქულოდ არ ტოვებს მოედანს და ამ სერიისას 11 ქულა (5+6) მიითვალა.
კვირის მეორე ვარსკვლავი გახდა "მონრეალ კანადიენსის" მეკარე კორი პრაისი. მან სამ მატჩში მიიღო მონაწილეობა და ყველა მოიგო. პრაისი საშუალოდ
მესამე ვარსკვლავის სტატუსი მიიღო "ნეშვილ პრედატორზის" ფორვარდმა ფილიპ ფორსბერგმა. ის გასული კვირის მეორე ბომბარდირი იყო ორი გატანილი გოლითა და სამი შედეგიანი პასით. 20 წლის შვედი ლიდერია გოლების (8), რიცხობრივ უპირატესობაში გატანილი გოლების (5), პასებისა (12) და ქულების (20) რაოდენობით წლევანდელი სეზონის დებიუტანტებს შორის.
რეინჯერსი-ტამპა ბეი 1:5
0:2, 1:2, 0:1
გოლები: 0:1 კუჩეროვი-7 (ტ. ჯონსონი-14, პალატი-9), 0:2 კელეჰანი- 7 (სტემკოსი-9, ფილპულა-13), 1:2 სან ლუი-7 (ბრასარი-9, სტეპანი-4), 1:3 სტემკოსი-12 (ფილპულა-14), 1:4 კილორნი-3 (ტ. ჯონსონი-15, პალატი-10), 1:5 კელეჰანი-8 (სტემკოსი-10).
ყოველდღიური სპორტული გაზეთი "ლელო"
