დანიის ნაკრების მწვრთნელმა ვაისს უპასუხა: ამის გარდა კიდევ ოთხი გოლი გავიდა

11 ივნისს, საქართველოსთან გამარჯვების (5:1) შემდეგ დანიის ნაკრების მთავარმა მწვრთნელმა აგე ჰარეიდემ ჟურნალისტებთან პრესკონფერენცია გამართა. მას საქართველოს ნაკრების შესახებ ბევრი არ უსაუბრია, მხოლოდ ვაისის განცხადების შესახებ გააკეთა კომენტარი.

"მე სათადარიგოთა სკამთან ვიყავი, ამ პოზიციიდან კი არაფერი ჩანდა. მსაჯი უკეთეს პოზიციაზე იყო. თუმცა ამის გარდა კიდევ ოთხი გოლი გავიდა. ამ მატჩში 5 გოლი გავიტანეთ. რა თქმა უნდა, კმაყოფილი ვარ.

მთავარი ბრძოლა ირლანდიასთან და შვეიცარიასთან გვექნება. ორივე გუნდმა სძლია საქართველოსა და გიბრალტარს", - განაცხადა ჰარეიდემ.