ნახევარმცველმა გიორგი აბურჯანიამ ჰოლანდიის ჩემპიონატში პირველი გოლი გაიტანა.
15 სექტემბერს, ნიდერლანდების პირველობის მე-6 ტურში, აბურჯანიას "ტვენტემ" სტუმრად 3:2 დაამარცხა "ფორტუნა". ამ მატჩში ჩვენებური 61-ე წუთზე შევიდა შეცვლაზე, 66-ე წუთზე კი მეტოქის კარი დალაშქრა და ანგარიში 0:3 გახადა.
აღსანიშნავია, რომ 45+2-ე წუთზე, როდესაც ანგარიში 0:2 იყო, მსაჯმა პირდაპირი წითელი ბარათით გააძევა ენსხედელთა იაპონელი თავდამსხმელი კეიტო ნაკამურა, რომელმაც იქამდე გოლი და საგოლე გადაცემა მიითვალა, ხოლო 83-ე წუთზე ასევე პირდაპირი წითელი ბარათი უჩვენა მასპინძელთა პორტუგალიელ მცველ მიკა პინტოს.
"ტვენტე" 12 ქულით მესამე ადგილზეა და 20 სექტემბერს "ჰერაკლესს" უმასპინძლებს.
სიტარდი. "ფორტუნა". 7 377 მაყურებელი
ფორტუნა - ტვენტე 2:3
გოლები: 0:1 ნაკამურა (16), 0:2 ესპინოსა (24), 0:3 აბურჯანია (66), 1:3 ვუკჩიჩი (78, საკ. კარში), 2:3 გისი (90+5)
![მიქაუტაძე შეცვლაზე შევიდა - "აიაქსი" "ტვენტესთან" დამარცხდა [VIDEO]](/pictures/image7/95b0b80ddeba92c2d78b5059ca5430af.jpg "მიქაუტაძე შეცვლაზე შევიდა - \"აიაქსი\" \"ტვენტესთან\" დამარცხდა [VIDEO]")
![ხვიჩა ახალ როლში, მისი საგოლე პასი და ოსიმენისა და სიმეონეს დუბლი [VIDEO]](/pictures/image7/c5a32470b834243e413df9ddfe107e7e.jpg "ხვიჩა ახალ როლში, მისი საგოლე პასი და ოსიმენისა და სიმეონეს დუბლი [VIDEO]")
