დღეს, 29 მარტს სასტუმრო "ქორთიარდ მარიოტში" ძიუდოში თბილისის გრან პრის წილისყრა გაიმართა.თბილისის გრან პრიზე ტედი რინერი მონაწილეობას არ მიიღებს. ტურნირში 184 მამაკაცი და 119 ქალი იღებს მონაწილეობას.
ტურნირის ჯილდო 100 000 დოლარს შეადგენს. შეჯიბრება 30 მარტს დაიწყება და 1-ელ აპრილამდე გაგრძელდება. შეხვედრები 11:00 საათზე დაიწყება, ხოლო 16:00 საათზე ფინალური ეტაპები იქნება. თბილისის გრან პრი ოლიმპიურ სასახლეში ჩატარდება.
