პირველ ნოემბერს რუსეთის ქალაქ იჟევსკში მიმდინარე ძიუდოში ევროპის 23-წლამდელთა ჩემპიონატზე სამმა ქართველმა მოიპოვა მედლები.
ეთერ ლიპარტელიანმა (57 კგ) ფინალში იპონით სძლია მასპინძელ დანა ნაგუჩევას და ჩემპიონი გახდა.
ლიპარტელიანმა გადამწყვეტ ბრძოლამდე უნგრელი ბრიგიტა ვარგა, ხორვატი ტიჰეა ტოპოლოვეცი და პორტუგალიელი ვილსა გომესი დაამარცხა.
ჯაბა პაპინაშვილი და თემურ ნოზაძე კი 60 კგ. წონით კატეგორიაში ბრინჯაოს მედლებს დაეუფლნენ.
გადამწყვეტ შეხვედრაში პაპინაშვილმა იტალიელი ანჯელო პანტანო, ნოზაძემ კი სომეხი გორ ოვსეპიანი დაამარცხა.
![ლაშა შავდათუაშვილი მსოფლიოს ჩემპიონატზე ასპარეზობას პირველივე რაუნდიდან გამოეთიშა [VIDEO]](/pictures/image7/01626073ce2a617159bfcc2d536208c3.jpg "ლაშა შავდათუაშვილი მსოფლიოს ჩემპიონატზე ასპარეზობას პირველივე რაუნდიდან გამოეთიშა [VIDEO]")
