ტოკიოს 2020 წლის ოლიმპიადაზე დღეს, 26 ივლისს, ძიუდოს დაპირისპირებები გაგრძელდა. ეთერ ლიპარტელიანი (-57) ბრინჯაოს მედლისთვის ბრძოლაში იაპონელ ცუკასა იოშიდასთან დამარცხდა.ქართველმა სპორტსმენმა პირველ ეტაპზე ანგოლელ დიასონემა მუკუნგუის მარტივად, იპონით სძლია, მერვედფინალში კი გერმანელ ტერეზა შატილს აჯობა - შეხვედრის დასრულებამდე 11 წამი რჩებოდა, როცა მშვენიერი გდება გაუკეთა.
ლიპარტელიანი მეოთხედფინალში ფრანგ ლეონი სარა სისიკესთან დასანანად დამარცხდა. ქართველი სპორტსმენი ვაზარით იგებდა და აქტიურიც იყო, საბოლოოდ კი დამატებით დროში მეტოქემ მაინც აჯობა.
ეთერმა რეპეშაჟში პოლონელი იულია კოვალჩიკი დაამარცხა. მასთან შეხვედრა ძალიან დრამატული გამოდგა და დამატებით დროში გადავიდა.
რაც შეეხება ლაშა შავდათუაშვილს (-73), ის ფინალში იაპონელ შოჰეი ონოს წინააღმდეგ იასპარეზებს.
მარგველაშვილმა ოლიმპიადაზე ვერცხლის მედალი მოიპოვა [VIDEO]
ძიუდოში მეორე დღე უიღბლოდ დავიწყეთ
![ლაშა შავდათუაშვილი მსოფლიოს ჩემპიონატზე ასპარეზობას პირველივე რაუნდიდან გამოეთიშა [VIDEO]](/pictures/image7/01626073ce2a617159bfcc2d536208c3.jpg "ლაშა შავდათუაშვილი მსოფლიოს ჩემპიონატზე ასპარეზობას პირველივე რაუნდიდან გამოეთიშა [VIDEO]")
