ნაგოია ბაშო. XII დღე: გაგამარუ დამარცხდა და მაკე-კოშამდე ერთი ნაბიჯი აშორებს

დღეს, 19 ივლისს, ნაგოია ბაშოს XII საშეჯიბრო დღის ორთაბრძოლები გაიმართა და რანგით მეორე ლიგაში გაგამარუ მეშვიდეჯერ დამარცხდა.

თეიმურაზ ჯუღელი ნაგოია ბაშოზე არასტაბილურად ასპარეზობს. ამჯერად მისი მეტოქე ჯურიო ლიგის მეხუთე ნომერი, 23 წლის დაიშოჰო იყო, რომელთანაც ქართველს უარყოფითი ბალანსი, 1:2-ზე ჰქონდა.

გაგამარუ შეხვედრის დასაწყისშივე დამარცხდა, პირველი დაჯახებისას მეტოქესთან თავი ვერ შეიმაგრა და ხელებით დაეცა, დაიშოჰომ კი ცუკიოტოშით გამარჯვება ჩაიწერა.

ქართველ სეკიტორს უარყოფითი ბალანსი - 5:7-ზე აქვს. მას 3 გამარჯვება ესაჭიროება კაჩი-კოშის (დადებითი ბალანსი) გასაფორმებლად, ხოლო კიდევ ერთი მარცხის შემთხვევაში მაკე-კოშს (უარყოფითი ბალანსი) გაიფორმებს და ჯურიო ლიგის მეცხრე ნომრობიდან დაქვეითდება.

რაც შეეხება მაკუუჩი დივიზიონს, სადაც ტრავმის გამო ტოჩინოშინმა ასპარეზობა ვერ გააგრძელა, მას ლიდერობს სეკივაკე მიტაკეუმი.

ნაგოია ბაშო. XI დღე: გაგამარუმ "პატარა ტანკი" დოჰიოდან გადააგდო