ნაგოია ბაშო. I დღე: ტოჩინოშინი ენდოს მიაწვა, მაგრამ... [VIDEO]

AutoSharing Option
AUTO PLAY
დღეს, 7 ივლისს, სტარტი აიღო წლის ნომერ მეოთხე სუპერტურნირმა - ნაგოია ბაშომ, სადაც პირველი შეხვედრა გამართა ქართველმა ოძეკიმ, ტოჩინოშინმა.

ქართველი რიკიშის მეტოქე ენდო იყო, რომელთანაც ლევან გორგაძეს ბალანსი 4:5-ზე ჰქონდა, სამწუხაროდ ლევანმა ბალანსის გათანაბრება ვერ მოახერხა და ენდოსთან შეხვედრა უვატიდაშინაგეს ილეთით დათმო.

ტოჩინოშინის შემდეგი მეტოქე აღმოსავლეთის მესამე მაეგაშირა შოდაი იქნება, რომელთანაც ლევანს უარყოფითი ბალანსი - 6:7-ზე აქვს.

სამწუხაროდ ტოჩინოშინი ბაშოს სათანადო ფორმაში ვერ ხვდება. შეგახსენებთ, რომ ნაცუ ბაშოზე ლევანმა მუხლი დაიზიანა და სამწუხაროდ ტრავმის მოშუშება ბოლომდე ვერ შეძლო. გარდა ამისა
რამდენიმე დღის წინ ტოჩინოშინს ვარჯიშის დროს მარცხენა მხარზე კუნთი გაუწყდა.

ჯურიო დივიზიონში საკუთარი შეხვედრა დათმო დასავლეთის მეორე ნომერმა გაგამარუმ, რომელსაც იშიურამ ჰენკათი სძლია.

თეიმურაზ ჯუღელის ხვალინდელი მეტოქე აზუმარიუ იქნება, რომელთანაც ქართველს თანაბარი ბალანსი - 2:2-ზე აქვს.

მკითხველის კომენტარები / 0 /
კომენტარი ჯერ არ გაკეთებულა.
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

სიახლეები პოპულარული