ევროპის ჩემპიონატი თავისუფალ ჭიდაობაში - საქართველო პირველ დღეს 5 მოჭიდავით იწყებს

8 აპრილს რუმინეთის დედაქალაქ ბუქარესტში სტარტს აიღებს ევროპის ჩემპიონატი.

პირველ დღეს თავისუფალი სტილით მოჭიდავეთა ხუთი წონითი კატეგორიის ფალავნები გამოვლენ, რომლებიც წინასწარი და ნახევარფინალური ეტაპის შეხვედრებს გამართავენ.

საქართველოს სახელით კი ოთარ გოგავა (57 კგ), ვლადიმერ ხინჩეგაშვილი (65 კგ), ზურაბ იაკობიშვილი (70 კგ), ნიკა კენჭაძე (79 კგ) და ელიზბარ ოდიკაძე (97 კგ) იჭიდავებენ.