გენო პეტრიაშვილი და ირაკლი მწითური მსოფლიოს ჩემპიონატის ნახევარფინალში გავიდნენ

ყაზახეთის დედაქალაქ ნურსულთანში მიმდინარე მსოფლიოს ჩემპიონატზე თავისუფალი სტილით მოჭიდავეები გენო პეტრიაშვილი და ირაკლი მწითური ნახევარფინალში გავიდნენ.

გენო პეტრიაშვილმა (125 კგ) სირიის წარმომადგენელს, აფხაზ ხუტაბას 14:4 მოუგო და ნახევარფინალში უკრაინელ ხოციანივსკის დაეჭიდება. ნახევარფინალში გასვლით გენო პეტრიაშვილმა თავისუფალი სტილით მოჭიდავე ნაკრებს პირველი ოლიმპიური ლიცენზია მოუტანა.

ირაკლი მწითურმა (92) იაპონელი ტაკუმა ოტსუ 5:0 დაამარცხა და ნახევარფინალში მოქმედ ჩემპიონს, ამერიკელ დენ კოქსს შეხვდება.

ზურაბ იაკობიშვილმა (70 კგ) მერვედფინალური შეხვედრა რუსეთის ნაკრების წევრ ბაევთან დათმო.

ავთო

კენჭაძემ (74 კგ) საფრანგეთის წარმომადგენელ ხაჯიევთან შეხვედრა 2:8 დათმო.

70 კგ
დავიდ ბაევი (რუსეთი) - მაგომედმურად გაჯიევი (პოლონეთი)
იონეს ემამიჩოგაეი (ირანი) - ნურკოზა კაიპანოვი (ყაზახეთი)

74 კგ
ფრანკ ჩამიზო (იტალია) - ზელმხან ხაჯიევი (საფრანგეთი)
ზაურბეკ სიდაკოვი (რუსეთი) - ჯორდან ბაროუზი (აშშ)

92 კგ
ირაკლი მწითური (საქართველო) - დენ კოქსი (აშშ)
ალიხან ზუბაიროვი (რუსეთი) - ალირეზა კარიმიმაჩიანი (ირანი)

125 კგ
გენო პეტრიაშვილი (საქართველო) - ოლექსანდრე ხოციანივსკი (უკრაინა)
ტაჰა აკგული (თურქეთი) - ჟივეი დენგი (ჩინეთი)