ყველანი მოუთმენლად ველოდით დღეს ბუდაპეშტში დაწყებულ თავისუფალი სტილით მოჭიდავეთა მსოფლიოს ახალგაზრდული ჩემპიონატის ნახევარფინალებში მირზა სხულუხიასა (70 კგ) და ტატო გაფრინდაშვილის (79 კგ) ბრძოლებს და მათ გულშემატკივრებს იმედი გაუმართლეს.
სხულუხია 2:5-ს აგებდა უკრაინელ ოლეკსი ბორუტასთან და მეოთხედფინალის მსგავად, მეორე პერიოდის ბოლოს შემოატრიალა შეხვედრა. ქუთაისელმა ფალავანმა საბოლოოდ 9:5 დაამარცხა მოწინააღმდეგე და ფინალში რუსეთის წარმომადგენელ ჩერმან ვალიევს შეხვდება.
გაფრინდაშვილმა თურქ რამაზან სარის 10:6 სძლია და ფინალში აზერბაიჯანელ აბუბაკარ აბაკაროვს დაეჭიდება.
ფინალები 29 ოქტომბერს გაიმართება.
რეპეშაჟში ბრძოლას ედემი ბოლქვაძე (65 კგ) და გივი მაჭარაშვილი
(97 კგ) გააგრძელებენ.
ხვალვე ტურნირზე თეიმურაზ ვანიშვილი (61 კგ), გიორგი სულავა (74 კგ), ზაურ ბერაძე (86 კგ), დემურ მეგენეიშვილი (92 კგ) და ზურიკო ურთაშვილი (125 კგ) ჩაერთვებიან.
![პეტრიაშვილი ფინალში აკგულთან დამარცხდა [VIDEO]](/pictures/image7/36724caccd76a0f97eb34c326b51dad4.jpg "პეტრიაშვილი ფინალში აკგულთან დამარცხდა [VIDEO]")
![გივი მაჭარაშვილი ევროპის ჩემპიონია [VIDEO]](/pictures/image7/fddba946775d6d8e0590be8f8691f05f.jpg "გივი მაჭარაშვილი ევროპის ჩემპიონია [VIDEO]")
![ქართველების სრული ტრიუმფი საფრანგეთში: 4 ოქრო, 2 ვერცხლი და 3 ბრინჯაო [VIDEO]](/pictures/image7/e8e93ee2197aeb25dbfa2083f6e2a328.jpg "ქართველების სრული ტრიუმფი საფრანგეთში: 4 ოქრო, 2 ვერცხლი და 3 ბრინჯაო [VIDEO]")
