ავსტრალიის ღია პირველობა. 1/8 ფინალები: მიშა მაგარია

მელბურნის კორტების დღის პერიპეტიები ავსტრალიის ღია პირველობაზე მეოთხედფინალების დრო დადგა და გაგრძელდა სენსაციებიც - ნოვაკ ჯოკოვიჩის ბედი გაიზიარა ენდი მარეიმ, რომელმაც მიშა ზვერევთან წააგო. კაცების პირველი ნომრის წაგების შემდეგ, დღის ბოლოს, ქალთა რეიტინგის ლიდერი ანჟელიკ კერბერიც გაემგზავრა შინ...მთელი კარიერის განმავლობაში, მიშა ზვერევს ტრავმები მუდამ თან სდევს. ორი წლის წინ, ის ჩოგბურთისთვის თავის დანებებას აპირებდა, მაგრამ კიდევ ერთხელ სცადა - 2015 წლის მარტში, 1067-ე ჩოგანის რანგში განაახლა კარიერა. და აი, გუშინ, გერმანელმა მსოფლიოს პირველი ჩოგანის დამარცხება შეძლო."ძალიან დამეხმარა ჩემი უმცროსი ძმა. მას შემდეგ, რაც მაჯაზე ოპერაცია გადავიტანე, მან მითხრა, რომ შევძლებდი ტოპ-ასეულში დაბრუნებას. ის ახალგაზრდაა, ცოტათი გულუბრყვილო და პოზიტიურად განმაწყობს", - აღიარა კარიერაში მთავარი მატჩის მოგების შემდეგ, უფროსმა ზვერევმა.ისეთი შთაბეჭდილება შეიქმნა, რომ ენდი მარეისთვის დიდი მოულოდნელობა იყო მიშას თამაშის სტილი - მოწოდება და ბადესთან გასვლა (გერმანელს მთელი მატჩის განმავლობაში ბადესთან 118 გასვლა ჰქონდა). ბრიტანელისთვის ყველაზე დიდი პრობლემა აღმოჩნდა ცაცია ზვერევის მოწოდება მეორე კვადრატში, რის შემდეგაც, გერმანელი ბადესთან ასრულებდა გათამაშებას. ენდი ეძებდა ვარიანტებს ასეთი სტილის წინააღმდეგ, მაგრამ სიტუაცია უფრო უარესდებოდა - მარეი საკუთარ თამაშსაც აზარალებდა. მოკლედ, მას სათადარიგო გეგმა არ აღმოაჩნდა. გარდა ამისა, ბრიტანელი საშინლად თამაშობდა საკუთარ მოწოდებაზეც, რადგან მეტოქეს 17 ბრეიკ-პოინტის შანსი მისცა და აქედან რვა გამოიყენა.ნოვაკ ჯოკოვიჩის ნაადრევი გამოვარდნის შემდეგ, მარეის რეალური შანსი ჰქონდა - კარიერაში პირველად მოეგო ავსტრალიის ღია პირველობა, მაგრამ სამსაათნახევარში სენსაციურად დამარცხდა. შედეგად მივიღეთ ის, რომ პირველად ბოლო 13 წლის განმავლობაში, "დიდი სლემის" ტურნირის მეოთხედფინალამდე ვერ მიაღწიეს პირველ და მეორე ნომრად განთესილმა ჩოგბურთელებმა.* * *ზვერევის მეტოქე მეოთხედფინალში როჯერ ფედერერი იქნება. შვეიცარიელი ლეგენდა კეი ნიშიკორის ხვდებოდა და უგებდა მას პირად შეხვედრებში - 4:2. ფედერერის ბოლოდროინდელი პრობლემების გამო, ფავორიტად იაპონელი მიიჩნეოდა, რომელმაც პირველი სეტის სტარტზე დაამტკიცა ეს სტატუსი - 5:1 წაიყვანა ანგარიში. როგორც აღმოჩნდა, ფედერერი გვიან შევიდა თამაშში. მან ზედიზედ ხუთი გეიმი მოიგო, მაგრამ ტაი-ბრეიკზე კეის გაუმართლა.ამის შემდეგ, ფედერერი გაცილებით სტაბილურად ათამაშდა მოწოდებაზე და ბექჰენდიდან. როჯერის აგრესიულმა თამაშმა (83 "ვინერსი"), კარგმა პირველმა მოწოდებამ (24 ეისი) და ბადესთან რეგულარულმა გასვლებმა ნიშიკორი ძალიან დაღალა. შვეიცარიელმა ზედიზედ ორი სეტი აიღო და თითქოს პრობლემა აღარ უნდა ჰქონოდა, მით უმეტეს, რომ მის მეტოქეს ბარძაყი აწუხებდა.როჯერმა კინაღამ გაიმეორა შარშანდელ უიმბლდონზე დაშვებული შეცდომა, როცა რაონიჩის წინააღმდეგ მეოთზე სეტში რამდენიმე კარგი შანსი გააინავა და წააგო. ამჯერად, მან საშუალება მისცა ნიშიკორის მოეგერიებინა ხუთი ბრეიკ-პოინტი, გაეკეთებინა ბრეიკი და მატჩი მეხუთე სეტში გადაეყვანა. კეის არასოდეს ჰქონდა წაგებული ხუთსეტიანი მატჩი ავსტრალიის ღიაზე, მაგრამ ბოლოს ძლივს გადაადგილდებოდა კორტზე. ასე რომ, 35 წლის როჯერი გახდა "დიდი სლემის" ტურნირების ყველაზე ასაკოვანი მეოთხედფინალისტი 1991 წლის აშშ-ის ღია პირველობის შემდეგ, როცა ამ სტადიაზე მიაღწია 39 წლის ჯიმი კონორსმა.* * *ჯოკოვიჩისა და მარეის გამოვარდნის შემდეგ, ბუკმეიკერებმა მთავარ ფავორიტად სტენ ვავრინკა გამოაცხადეს. ამ ტურნირზე შვეიცარიელს პერიოდულად ფანტასტიკური მატჩები გამოსდის, ხანდახან კი ისეთი, როგორიც გუშინდელი შეხვედრა იყო ანდრეას სეპისთან. იტალიელი ძალიან კარგად აწვდიდა, წარმატებით გადიოდა ბადესთან (რეალიზაციის პროცენტი - 74) და თითქმის არ ცდებოდა. ყოველ სეტში ბრძოლა თანაბარი იყო და სამართლიანია, რომ გამარჯვებული სამმა ტაი-ბრეიკმა გამოავლინა, საჩოგბურთო ლატარიისას კი უფრო სუფთად ვავრინკა თამაშობდა. პირველი სეტის ბოლოს, სტენს ვიღაცამ დაუყვირა: "მიდი, როჯერ!"ვავრინკამ უპასუხა, რომ ფედერერი სხვა კორტზე ითამაშებს. თანამემამულეები შეიძლება ნახევარფინალში შეხვდნენ ერთმანეთს, თუ ვავრინკა ჟო-ვილფრიდ ცონგას დაამარცხებს, ფედერერი - ზვერევს.* * *დანიელ ევანსთან მატჩის წინ, ცონგამ სამადლობელო წერილი მიიღო ვინმე ჯულიანასგან - გოგონა მეორე წრის მატჩზე მუშაობდა ფრანგის მონაწილეობით, მზის დარტყმა მიიღო და ჟო მას კორტის დატოვებაში დაეხმარა. ამ წერილმა ცონგას აღმაფრენა მისცა მეოთხედფინალში გასვლაზე.ევანსი მხოლოდ პირველ სეტში მოქმედებდა სტაბილურად, ამის შემდეგ კი ცონგა მეთოდურად ახდენდა ზეწოლას მეტოქეზე. ამაში მას ეხმარებოდა კარგი ბექჰენდი და ბადესთან გასვლა - 31-დან 28 ასეთი მოქმედება მომგებიანი აღმოჩნდა. ევანსს მოწოდება არ წაუვიდა (11 ორმაგი შეცდომა) და ფრანგმა მოიგო.კაცები. 1/16 ფინალიმარეი (ბრიტ, 1)-კუერი (აშშ, 31) 6:4, 6:2, 6:4რაონიჩი (კან, 3)-სიმონი (საფ, 25) 6:2, 7:6(5), 3:6, 6:3ვავრინკა (შვეიც, 4)-ტროიცკი (სერ, 29) 3:6, 6:2, 6:2, 7:6(7)ნიშიკორი (იაპ, 5)-ლაჩკო (სლოვაკ) 6:4, 6:4, 6:4მონფილსი (საფ, 6)-კოლშრაიბერი (გერ, 32) 6:3, 7:6(1), 6:4ტიმი (ავსტრია, 8)-პერი (საფ) 6:1, 4:6, 6:4, 6:4ნადალი (ესპ, 9)-ა. ზვერევი (გერ, 24) 4:6, 6:3, 6:7(5), 6:3, 6:2ფედერერი (შვეიც, 17)-ბერდიხი (ჩეხ, 10) 6:2, 6:4, 6:4გოფენი (ბელ, 11)-კარლოვიჩი (ხორ, 20) 6:3, 6:2, 6:4ცონგა (საფ, 12)-სოკი (აშშ, 23) 7:6(4), 7:5, 6:7(8), 6:3ბაუტისტა აგუტი (ესპ, 13)-ფერერი (ესპ, 21) 7:5, 6:7(6), 7:6(3), 6:4დიმიტროვი (ბულ, 15)-გასკე (საფ, 18) 6:3, 6:2, 6:4ევანსი (ბრიტ)-ტომიჩი (ავსტრა, 27) 7:5, 7:6(2), 7:6(3)ისტომინი (უზბ)-კარენო ბუსტა (ესპ, 30) 6:4, 4:6, 6:4, 4:6, 6:2მ. ზვერევი (გერ)-ჟაზირი (ტუნ) 6:1, 4:6, 6:3, 6:0სეპი (იტა)-დარცისი (ბელ) 4:6, 6:4, 7:6(1), 7:6(2)1/8 ფინალიმ. ზვერევი (გერ)-მარეი (ბრიტ, 1) 7:5, 5:7, 6:2, 6:4ფედერერი (შვეიც, 17)-ნიშიკორი (იაპ, 5) 6:7(4), 6:4, 6:1, 4:6, 6:3ვავრინკა (შვეიც, 4)-სეპი (იტა) 7:6(2), 7:6(4), 7:6(4)ცონგა (საფ, 12)-ევანსი (ბრიტ) 6:7(4), 6:2, 6:4, 6:4ყოველდღიური სპორტული გაზეთი "ლელო"

თრილერი ცინცინატიზე - საბალენკამ რადუკანუ დაამარცხა

ერთი ნაბიჯი ტურნირის ძირითად ბადემდე - ბასილაშვილი ცინცინატის მასტერსის კვალიფიკაციის ფინალშია

სინერმა უიმბლდონზე ალკარასის დომინაცია დაასრულა - იანიკმა მეოთხე დიდი სლემის ტიტული მოიგო

17-წლამდე ვაჟთა ნაკრები საწვრთნელ შეკრებას იწყებს

სიგუა შვეიცარიაში გუნდს გამოიცვლის

15-წლამდე გოგონათა ნაკრები განვითარების თასისთვის ემზადება

"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ

ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში

"სპორტინგმა" ისევ მოიგო, ქოჩორაშვილი ისევ შეცვლაზე შევიდა

[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა

"ნანტთან" მატჩში პსჟ-ს სასტარტო შემადგენლობა ცნობილია

"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა

"ვალენსია" ჩაკვეტაძის ტრანსფერზე "უოტფორდს" დაუკავშირდა

"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა

საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს

"ლევერკუზენმა" შესაძლოა, "იუნაიტედის" ყოფილი მცველი დაიმატოს

"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა

"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი

"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?

"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა

"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა

ხამზატ ჩიმაევი UFC-ის საშუალო წონის ახალი ჩემპიონია

"დინამო თბილისი": სამი გოლი, სამი ქულა

ენდი მარეი კორტს მომდევნო თვეში დაუბრუნდება

Dailymail: ენდი მარეი ბალახის სეზონისთვის დაბრუნდება

ახალგაზრდა ძიუდოისტებმა მსოფლიო ჩემპიონატზე, გუნდურ შეჯიბრებაში ბრინჯაოს მედლები მოიპოვეს - 20 ოქტომბრის დაიჯესტი

"28-ე ჩოგბურთელს სათამაშო პრაქტიკის გარეშე მოვუგე, არსად მივდივარ!" - მარეი ბასილაშვილთან მატჩის შემდეგ

თითქმის ერთწლიანი პაუზის შემდეგ ენდი მარეი კორტს უბრუნდება

საჩოგბურთო ბალახის სეზონი: ფედერერი კვლავ პირველია, მარეი 1 წლის შემდეგ დღეს დაბრუნდება