<p>პეტერ ზაიზენბახერი ისევ არ ჩანს <br> საქართველოსა და აზერბაიჯანის ძიუდოისტთა გუნდების ყოფილი მთავარი მწვრთნელი, ავსტრიელი ორგზის ოლიმპიური, ევროპისა და მსოფლიოს ჩემპიონი <strong>პეტერ ზაიზენბახერი</strong> ისევ მიმალვაშია და ემალება ავსტრიულ სასამართლოს.</p><p>შეგახსენებთ, რომ სექსუალურ ძალადობაში ბრალდებული ოლიმპიური ჩემპიონი ვენის სასამართლოში 19 დეკემბერს უნდა გამოცხადებულიყო, თუმცა სწორედ დეკემბრის მიწურულიდან მისი კვალი არ ჩანს - მას შემდეგ მისი მობილური გათიშულია, პირადი ადვოკატი <strong>ბერნხარდ ლაჰოფერი</strong> კი აცხადებს, რომ თავისი კლიენტის ასავალ-დასავალი დღემდე არ იცის.</p><p>თავის მხრივ, აზერბაიჯანის ძიუდოს ფედერაციაშიც ამბობენ, რომ მწვრთნელს არც მათთან შეუთანხმებია წასვლა, თუმცა ის კი დასძინეს, მან დატოვა ჩვენი ქვეყანაო.</p><p>ამასობაში გაირკვა, კონკრეტულად რას ედავება ავსტრიული თემიდა ზაიზენბახერს. აქამდე თუ ზოგადად იყო ცნობილი, რომ ბრალდებოდა სექსუალური ძალადობა ვენის ძიუდოს იმ კლუბის გოგონებზე, სადაც 1999-2000 წლების მიჯნაზე მწვრთნელად მუშაობდა, ახლა დაზუსტდა, რომ საუბარია 11 და 13 წლის გოგონებზე. ავსტრიული მედიის ცნობით, საქმეში კიდევ ერთი არასრულწლოვანი მოსწავლე გოგო ფიგურირებს, რომელიც აცხადებს, რომ მწვრთნელი მასთანაც ცდილობდა იმგვარად მოქცევას, როგორც - იმ ორთან, მაგრამ ის მაშინ 16 წლის ყოფილა და მოუხერხებია მისგან თავის დაცვა.</p><p>ავსტრიული მედია ჩვენთვის საინტერესო ერთ დეტალსაც ავრცელებს - მათი თქმით, 15 დეკემბერს ზაიზენბახერი საქართველოში ყოფილა ჩამოსული, ოღონდ არ აზუსტებენ, ვისთან და რა მიზნით გვეწვია, თუმცა თავს ვერც თავად ამ ფაქტზე ანუ მის ჩამოსვლაზე ვერ დავდებთ და ვიმეორებთ, რომ ეს ავსტრიული მედიის ცნობაა.</p><p>ერთი სიტყვით, პეტერ ზაიზენბახერის ირგვლივ საკმაოდ რთული ვითარებაა და საქმე არ უნდა იყოს ისე მარტივად, როგორც ლაჰოფერი აცხადებდა, ჩემი კლიენტი მუდამ ოპტიმისტურად იყო განწყობილი ამ სასამართლო პროცესისადმიო.</p><p>ეტყობა, თავად მწვრთნელიც გრძნობს, რომ საქმე ასე მარტივად არაა და ამიტომ მიიმალა, თუმცა ამით კიდევ უფრო დაიმძიმა ბრალეულობა.</p><p>ზაიზენბახერი ერთადერთი სპორტსმენია ძიუდოს ისტორიაში, ვინც ზედიზედ ორ ოლიმპიადაზე გაიმარჯვა - 1984 წელს ლოს ანჯელესში და 1988 წელს - სეულში. ის საქართველოს ნაკრებში 2010-2012 წლებში მუშაობდა და მისი ხელმძღვანელობით <strong>ლაშა შავდათუაშვილი</strong> ოლიმპიური ჩემპიონი გახდა, თუმცა ეს მაინცდამაინც მისი დამსახურება ვერაა, რადგან ლაშა რამდენიმე თვით ადრე გადმოვიდა ეროვნულ ნაკრებში ახალგაზრდული გუნდიდან.</p><p>2012-2014 წლებში ავსტრიელი სპეციალისტი უკვე აზერბაიჯანის ნაკრებში იყო, ამ პერიოდში კი <strong>ელხან მამადოვი</strong> მსოფლიოს ჩემპიონი გახდა, რაც იქაური ძიუდოს ისტორიაში პირველი შემთხვევაა.</p><p>ერთი სიტყვით, წარმატებული სპორტსმენი მწვრთნელიც გახდა, თუმცა, იქნებ, ამაში ერთგვარი ყისმათიც დაეხმარა - შავდათუაშვილზე უკვე გითხარით და იმავე მამადოვს იქაურ ნაკრებში მისვლისთანავე გუნდის გაახალგაზრდავების საბაბით ნაკრებიდან აგდებდა. საბოლოოდ ყველაზე მეტად სწორედ ამ "ჩამოწერილმა" ფალავანმა გაუმართლა.</p><p>თუმცა რაც უნდა იყოს, რეგალიები სამწვრთნელო ასპარეზზეც დაიმსახურა და დასანანია, ამ რანგის სპეციალისტი ასეთი მძიმე ბრალდებით თუ დაასრულებს სპორტულ კარიერას.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
[VIDEO] საქართველოს ძიუდოისტთა ნაკრებმა ევროპის ჩემპიონატზე ვერცხლის მედალი მოიპოვა
საქართველოს ძიუდოისტთა ნაკრები ევროპის გუნდური ჩემპიონატის ფინალშია!
"ბარსელონამ" ესპარტს ხელშეკრულება გაუხანგრძლივა
"რეალმა" კურტუას კონტრაქტი გაუგრძელა
პოჩეტინომ "მანჩესტერ იუნაიტედის" მთავარ მიზანზე ისაუბრა და ბავშვობის კერპი დაასახელა
კონტემ განმარტა, რატომ დატოვა "ინტერი" საჩემპიონო სეზონის შემდეგ
"ბარსელონა" გერმანიის ნაკრების მცველის შეძენას შეეცდება
ანგისას "ნაპოლიდან" წასვლა უნდა
Football Insider: მიქაუტაძის სასწრაფოდ შეძენის სერიოზული სურვილი პრემიერლიგის ორ კლუბს აქვს
"როგორც იქნა, გვირაბის ბოლოს სინათლე გამოჩნდა" - ჯორჯო კიელინიმ იტალიის ნაკრებზე ისაუბრა
"არსენალი" ზამთრის სატრანსფერო ფანჯარაზე 2 შემტევის დამატებას გეგმავს
მესიმ არგენტინის ფეხბურთის ასოციაციის ხელმძღვანელობასთან კავშირი გაწყვიტა
"ყველაზე მეტი ამ მწვრთნელისგან ვისწავლე, ის ჩემთვის მისაბაძი მაგალითი იყო" - ლუის ენრიკე
[VIDEO] ბითაძის 20 წუთი - "ორლანდოს" 4-მატჩიანი მოგებათა სერია "ფილადელფიასთან" შეწყდა
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
საბო: დავითაშვილს უნდა ვუმადლოდეთ - კითხვა მაქვს ქართველთა მეკარესთან
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
[VIDEOS] ორი ოქროს შანსი - ლაშა შავდათუაშვილი და ეთერ ლიპარტელიანი ევროპის ჩემპიონატის ფინალში გავიდნენ!
[VIDEOS] არიის! - ლაშა შავდათუაშვილმა და ეთერ ლიპარტელიანმა ევროპის ჩემპიონატზე ოქროს მედლები მოიპოვეს!
კიევის სასამართლომ პედოფილიაში ბრალდებული პეტერ ზაიზენბახერი გაათავისუფლა
უძლიერესი შემადგენლობით - ავსტრიის გრან პრიზე ბევრი მედლის მოლოდინში...
საქართველოს ნაკრების ყოფილი მთავარი მწვრთნელი პედოფილიის გამო 5 წლით ციხეში ჩასვეს
ევროპის ჩემპიონატი: რა მოხდა ვარშავაში?
[VIDEO] ლაშა შავდათუაშვილი მსოფლიო ჩემპიონატს ნაადრევად გამოეთიშა
[VIDEO] შავდათუაშვილი და დვალაშვილი ბრინჯაოს მედლებისთვის ბრძოლაში დამარცხდნენ - ტოკიოს გრანდ სლემის მეორე დღე
პედოფილიაში ბრალდებული საქართველოს ნაკრების ყოფილი მწვრთნელი კიევში დააკავეს
ვენის სასამართლომ პეტერ ზაიზენბახერზე ძებნა მთელ მსოფლიოში გამოაცხადა
პეტერ ზაიზენბახერის კიევში დაკავების კადრები [VIDEO]
"ოლიმპიურ თამაშებზე რომ დავმარცხდი, კარიერის დასრულებამდე სერიოზულად დავფიქრდი" - ლაშა შავდათუაშვილი