<p>11-13 თებერვალს ნინო სალუქვაძის სახელობის ტირი მორიგ ტურნირს უმასპინძლებს <br> 11-13 თებერვალს ნინო სალუქვაძის სახელობის ტირი მორიგ ტურნირს უმასპინძლებს. ესაა თბილისის თასის ღია გათამაშება პნევმატური პისტოლეტიდან სროლაში, რომელიც ევროპის ჩემპიონატისთვის მზადებას ემსახურება.</p><p>შეგახსენებთ, რომ კონტინენტის პირველობა პნევმატური იარაღიდან სროლაში ერთ თვეში - 6-12 მარტს სლოვენიურ მარიბორში ტარდება.</p><p>იანვარში ჩვენები მიუნხენის ტრადიციულ საერთაშორისო შეჯიბრებაში გამოვიდნენ და <strong>ცოტნე მაჭავარიანმა</strong> ბრინჯაოს მედალი მოიპოვა, თან საკუთარი რეკორდიც გაზარდა. მაგრამ სროლის სახეობათა ფედერაციას სურს, დამატებით კიდევ მისცეს სატურნირო პრაქტიკა თავის სპორტსმენებს, განსაკუთრებით - ახალგაზრდებს და ამიტომ გადაწყვიტა ამ ტურნირის ჩატარება. მასში დედაქალაქელ მსროლელებთან ერთად ქუთაისელი და თელაველი ჩუბინებიც გამოვლენ.</p><p>მესამე საშეჯიბრო დღეც სწორედ თელაველთა გამო დაემატა - ფინანსური პრობლემების გამო ისინი იმავე დღეს უნდა დაბრუნდნენ უკან, კვირას კი ამას ვერ მოასწრებდნენ, რადგან ასპარეზობა გვიან დასრულდება. ამიტომ ორშაბათს ჩამოვლენ და თან ისვრიან, როცა არ იქნება ბევრი მონაწილე.</p><p>თუმცა თელაველები ერთი სიახლითაც მოდიან დედაქალაქში - პნევმატურ თოფშიც მოჰყავთ მონაწილე. ეს დისციპლინა ჩვენთან ჯერ ახალია, თუმცა აქამდე ერთი კი ისროდა და ისიც თელაველი - პარამსროლელი <strong>ლადო ჭინჭარაული</strong>, ვისი დიდი დამსახურებაცაა თელავში ტირის გახსნა (რა თქმა უნდა, ადგილობრივ ხელისუფლებასთან ერთად, რომელმაც 9 ფარი შეიძინა, რაც საქართველოსთვის დიდი ფუფუნებაა). ამჯერად ეს დისციპლინა კლასიკურ სახეობაშიც გამოჩნდება, ოღონდ, რადგან მხოლოდ ერთი მონაწილე იქნება, საკონტროლო სროლები ექნება.</p><p>თბილისის თასზე ასაკობრივი დაყოფა არ იქნება და ახალგაზრდები უფროსებთან ერთად ისვრიან. 11-ში ქალები იასპარეზებენ, მომდევნო ორი დღე კი ვაჟებს დაეთმობათ. 13-შივე, 15 საათზე გაიმართება დაჯილდოების ცერემონიალიც.</p><p>შეგახსენებთ, რომ უკვე გარკვეულია ევროპის ჩემპიონატზე წამსვლელი შემადგენლობა. ახალგაზრდებში გოგონებში ქუთაისელები - <strong>ლიზი კილაძე</strong> და ამ ასაკში ევროპის შარშანდელი ვიცე-ჩემპიონი <strong>ნინო ხუციბერიძე</strong> გამოვლენ, ბიჭებში კი სრულად დაკომპლექტებული გუნდით ვიასპარეზებთ: თანატოლებში ევროპის გუნდური პირველობის მესამეპრიზიორებს, მაჭავარიანსა და <strong>აკაკი მოსულიშვილს</strong> ამჯერად <strong>ვლადიმერ მაიოროვის</strong> ნაცვლად (ის უკვე გადავიდა უფროსებში) <strong>ივა ჭანკოტაძე </strong>დაემატება.</p><p>უფროსებში ჯერ მხოლოდ ქალთა ტურნირის მონაწილეა გარკვეული - თავად ოლიმპიური, მსოფლიოსა და ევროპის სამგზის ჩემპიონი <strong>ნინო სალუქაძე</strong>, მწრთნელად კი <strong>ვახტანგ სალუქვაძე</strong> გაჰყვებათ. ჯერ არაა გადაწყვეტილი <strong>ლევან ქადაგიძის</strong> საკითხი - ფული თუ იშოვეს, ისიც იასპარეზებს. სლოვენიაში წასვლამდე ჩვენები გერმანიაში გაივლიან შეკრებას.</p><p>ზოგადად, დაფინანსების საკითხი ამჟამად ყველაზე მტკივნეული თემაა როგორც ამ ფედერაციის, ისე - დანარჩენებისთვის. სპორტის სამინისტროს ჯერაც არ დაუმტკიცებია მათი ბიუჯეტი და მსროლელებმა დიდწილად ამ გაურკვევლობის გამო უარი თქვეს ინდოეთში მსოფლიოს თასზე წასვლაზე, რომელიც 22 თებერვალს იწყება. ამავე მიზეზით გაურკვეველია, გამოვლენ თუ არა მაისში მიუნხენში მსოფლიოს თასის რიგით მეორე ეტაპზე, აი, მესამეზე კი ნამდვილად წავლენ ივნისში, რადგან ის აზერბაიჯანულ გაბალაში ტარდება და ავტობუსით მიდიან. იმედია, სამინისტრო ამ სასიცოცხლო საკითხის მოგვარებას დააჩქარებს.</p><p>ტყვიის მსროლელებმა თუ იუარეს ინდოეთში წასვლა, სამაგიეროდ, სწორედ ის ტურნირი აირჩიეს მესტენდურებმა, რომლებიც იქ ასეთი შემადგენლობით წავლენ: <strong>დავით ქვათაძე, გივი ქვათაძე, თენგიზ იმნაიშვილი</strong> და <strong>ვლადიმერ ნარჩემაშვილი </strong>მრგვალ სტენდზე სროლაში ვაჟთა ტურნირში გამოვლენ, ქალებში კი ისევ მოსკოვიდან გადმოყვანილი <strong>ნატალია პანასის</strong> იმედზე ვიქნებით. გუნდს მწვრთნელებად <strong>თამაზ იმნაიშვილი </strong>და <strong>გივი შენგელია</strong> მიჰყვებიან. ისინი რამდენიმე დღით ადრე ჩავლენ დელიში და შეჯიბრების დაწყებამდე ხანმოკლე შეკრებასაც გაივლიან.</p><p><strong>ყოველდღიური სპორტული გაზეთი "ლელო"</strong></p>
პარალიმპიადაზე ლადო ჭინჭარაულმა ვერცხლის მედალი მოიპოვა
საქართველოს ტყვიის მსროლელთა ნაკრები ევროპის ჩემპიონია
ნინო სალუქვაძე ოლიმპიურ თამაშებზე მეათედ იასპარეზებს
U21 - ლატვიასთან მატჩში საქართველოს ნაკრების შემადგენლობა ცნობილია
ჩემპიონატებში დეფრიბლირატორების გამოყენება იწყება | ტრენინგს ოლიმპიურმა სასახლემ უმასპინძლა
U21 | ლატვია V საქართველო - მატჩისწინა ვარჯიში რიგაში
"ყველაფერს გავაკეთებთ ესპანეთთან წარმატების მისაღწევად" - რა თქვეს "ჯვაროსნებმა" მატჩის წინ?
marca: ესპანეთის ნაკრები საქართველოსთან მატჩისთვის ელჩეში ჩასვლას აგვიანებს
ესპანეთისა და საქართველოს მატჩს ლიეტუველი მსაჯები მოემსახურებიან
დავითაძე მსოფლიოს ჩემპიონატიდან მოხსნეს
"შავი ლომი" | "ჩიტასთან" ჩელენჯ თასისთვის მოსამზადებლად
საქართველოს შემადგენლობა ესპანეთთან - რა უშლის ხელს თერთმეტეულის გამოკვეთას?
[VIDEO] სანდროს 17 წუთი - "ტორონტომ" პრესეზონის პირველი მატჩი მოიგო
"მას შესაძლებლობების დასამტკიცებლად 3 წელი აქვს" - "იუნაიტედის" აქციონერმა ამორიმს ნდობა გამოუცხადა
ცნობილი არგენტინელი მწვრთნელი 69 წლის ასაკში გარდაიცვალა
"მას შემდეგ, რაც პსჟ-ს მწვრთნელი ვარ, ყველაზე მეტად მათ წინააღმდეგ გაგვიჭირდა" - ლუის ენრიკემ მეტოქე გამოარჩია
"თოფურიას ჩემგან მალავენ, რადგან მისი დამარცხება მხოლოდ მე შემიძლია" - არმან ცარუკიანი
"ოცნება არსად გამქრალა - სამომავლოდ "კვარას" ამ კლუბში გადასვლას არ გამოვრიცხავთ" - რას წერს Areanapoli ქართველზე?
[VIDEO] "ტენერიფე" ჩემპიონთა ლიგას გამარჯვებით იწყებს - შერმადინმა მოედანზე 23 წუთი გაატარა
ზივზივაძე: ასი პროცენტით დავიხარჯებით მოედანზე, რათა საქართველოს ნაკრებს წარმატება მოვუტანოთ
ლატვია V საქართველო - ახალგაზრდულმა რიგაში სრული შემადგენლობით ივარჯიშა
მამარდაშვილი: ჩვენი საუკეთესო თამაში უნდა ვაჩვენოთ, რომ დასახულ მიზანს მივაღწიოთ
ოფიციალურად - კონსეისაო "ალ-იტიჰადს" ჩაუდგა სათავეში
ახალგაზრდული ოლიმპიური თამაშების მორიგი ლიცენზია ნინო ხუციბერიძემ მოიპოვა
ევროპის ჩემპიონატი ტყვიის სროლაში: ბაქოს ორმაგი დატვირთვა
მიუნხენის ტურნირი: ცოტნე მაჭავარიანის მორიგი რეკორდი
ახალგაზრდული ოლიმპიური თამაშები: ქართველი სპორტსმენების გამოსვლის კალენდარი
ახალგაზრდული ოლიმპიადა: ვერცხლი - სულამანიძეს, ბრინჯაო - ხუციბერიძეს
ლიზი კილაძემ ახალგაზრდებში ევროპის ჩემპიონატზე ბრინჯაო მოიპოვა
ევროპის ჩემპიონატი. ტყვიის სროლა: ბაქოში გამრუდებული სამიზნე
გუნდური ბრინჯაოს მედალი ტყვიის მსროლელთა დიდ პრიზზე
ლიზი კილაძემ ახალგაზრდულ მსოფლიოს ჩემპიონატზე ბრინჯაოს მედალი მოიპოვა
ტყვიის სროლა. მსოფლიო თასი: ამჯერადაც ულიცენზიოდ
ტყვიის სროლა. ევროპის ჩემპიონატი: უფინალოდ და ულიცენზიოდ
ნინო სალუქვაძემ ვაჟთან ერთად ევროპულ თამაშებზე საქართველოს მე-17 მედალი მოუტანა!
ევროპის ჩემპიონატი: ლიზი კილაძეს ფინალამდე ერთი ქულა დააკლდა
პარალიმპიადაზე ლადო ჭინჭარაულმა ვერცხლის მედალი მოიპოვა
ტყვიის სროლა. მიუნხენის ტურნირი: შვიდეულით გერმანიაში