<p>პსჟ "ბარსას" გაგდებას მესამედ ცდის, "ბენფიკა" "დორტმუნდს" დაუხვდება <br> <strong><span style="font-size: x-small;">* "პარი სენ-ჟერმენს" არასოდეს წაუგია მერვედფინალური დუელი ჩემპიონთა ლიგაზე, "ბარსელონა" კი ცდილობს, მეოთხედფინალში ზედიზედ მეათედ გავიდეს.</p><p>* პსჟ და "ბარსელონა" ბოლო ხუთ სეზონში მესამედ ხვდებიან პლეი ოფის რაუნდში.</p><p>* "დორტმუნდმა" ჯგუფურ ეტაპზე 21 გოლი გაიტანა.</p><p></span></strong></p><p>მაშ ასე, ორთვიანი პაუზის შემდეგ ევროპის საუკეთესო საკლუბო ტურნირი, რომლის 62-ე გათამაშებაც მიმდინარეობს, ჩემპიონთა ლიგა პირველი მერვედფინალური მატჩებით განახლდება. სტარტი პარიზსა და ლისაბონშია...</p><p><p><div style="text-align: center;"><strong><span style="color: #ff0000;">პსჟ-ბარსელონა</span></strong></div></p> ყურადღების ცენტრში, რა თქმა უნდა, "პარკ დე პრენსზე" გასამართავი მატჩია, რომელშიც უნაი ემერის "პარი სენ-ჟერმენი" ლუის ენრიკეს "ბარსელონას" მასპინძლობს. ბასკ სპეციალისტს ძალიან ბევრჯერ გაუყვანია გუნდები კატალონიური გრანდის წინააღმდეგ. ახლა იგი ამბობს, რომ პსჟ მზად არის, "ლამაზი ისტორია დაწეროს" "ბარსელონასთან" თამაშში.</p><p>პარიზელებმა გუნდის დაცვის ბურჯი ტიაგო სილვა დაკარგეს და მის ნაცვლად ჩემპიონთა ლიგაზე დებიუტი ექნება 21 წლის პრესნელ კიმპემბეს. დისკვალიფიკაციის გამო ვერ ითამაშებს ტიაგო მოტა. "ბარსას" დააკლდებიან ხავიერ მასკერანო, ალეიშ ვიდალი და არდა თურანი. სამივე მნიშვნელოვანი ფეხბურთელია გუნდისთვის, თუმცა კატალონიელთა სასტარტო 6 შემტევი ფეხბურთელი საბრძოლო იქნება.</p><p>ჩემპიონთა ლიგის პლეი ოფის ეტაპზე პსჟ ორჯერ გადაეყარა "ბარსელონას" და ორჯერვე დამარცხდა. 2012/13 წლების სეზონში "ბარსამ" მეოთხედფინალში ძლივს დაძლია პსჟ-ის წინააღმდეგობა. კატალონიელებს სტუმრად გატანილი მეტი გოლი დაეხმარათ - 2:2 პარიზში და 1:1 ბარსელონაში.</p><p>2014/15 წლების სეზონშიც მეოთხედფინალში ითამაშეს. ყველაფერი "ბარსას" პარიზულმა ტრიუმფმა გადაწყვიტა - 3:1. ლუის სუარესმა დუბლი შეასრულა, ერთი გოლიც ნეიმარმა გაიტანა.</p><p><p><div style="text-align: center;"><span style="font-weight: bold; font-size: 12.16px;"><span style="color: #ff0000;">პრესკონფერენცია</span></span></div></p> <strong>უნაი ემერი</strong> (პსჟ): "ეს იქნება კარგი, სანახაობრივი დაპირისპირება. ყველაფერი კი გადამწყვეტ მომენტებში გაირკვევა - ვინც კარგად ითამაშებს, ვისი ტაქტიკაც მართებული აღმოჩნდება, ვინც მეტ ორთაბრძოლას მოიგებს მოედანზე, დუელსაც ის მოიგებს. აუცილებლად უნდა გამოვიყენოთ შანსი, რადგან ჩვენი მეტოქე მსოფლიოს ერთ-ერთი საუკეთესო გუნდია. გუნდი ძალზე მოტივირებულია. გვყავს ძალიან მნიშვნელოვანი მოთამაშეები, რომლებიც დღითი-დღე იზრდებიან პსჟ-ში. ისინი მზად არიან, კლუბის ისტორიაში ლამაზი თავი დაწერონ".</p><p><strong>ლუის ენრიკე</strong> (ბარსელონა): "ბოლო კვირებია, პსჟ ძალიან მაღალ დონეზე თამაშობს. ჩვენი ამოცანაა, მათზე უკეთ ვითამაშოთ და მოვიგოთ. უნაის კარგად ვიცნობ, ის აუცილებლად გაგვირთულებს ცხოვრებას. ორივე გუნდს ერთი მიზანი აქვს, თუმცა ჩვენ შევეცდებით, ბურთის კონტროლი მოვიპოვოთ და რაც შეიძლება მეტი საგოლე შანსი შევქმნათ. კარგად გვახსენდება ეს სტადიონი და მეტოქე. გუნდებმა ერთმანეთის შესახებ ყველაფერი იციან. ასე რომ, საინტერესო ჯახი გარანტირებულია".</p><p><p><div style="text-align: center;"><span style="font-weight: bold; font-size: 12.16px;"><span style="color: #ff0000;">გასულ უქმეებზე</span></span></div></p> "ბარსელონამ" ბასკეთში გაივარჯიშა - 6:0 გაანადგურა "ალავესი". ექვსიდან ხუთი გოლი მისმა ვარსკვლავურმა ტრიომ შექმნა (მესი, სუარესი 2, ნეიმარი, ავტოგოლი). ეს "ბარსას" მე-12 გამარჯვება იყო ბოლო 16 ტურში.</p><p>პსჟ "ბორდოს" ესტუმრა და ცოტა მოკრძალებულად, მაგრამ მაინც დამაჯერებლად მოუგო - 3:0. დუბლი შეასრულა ედინსონ კავანიმ, რომელიც ახლა ევროპის მთავარი ბომბარდირია (25 გოლი). ეს იყო პსჟ-ის მეათე გამარჯვება ბოლო 11 მატჩში.</p><p><img src="pictures/artimages/image17/40c1ee9475e39f954bf49128406a4c84.jpg" border="0" alt="Sportall.Ge" title="ჩემპიონთა ლიგა. 1/8-ფინალი: სიყვარულის დღეს დიდი ფეხბურთი განახლდება" /></p><p><p><div style="text-align: center;"><strong><span style="color: #ff0000;">ბენფიკა-დორტმუნდი</span></strong></div></p> მიუხედავად იმისა, რომ მთელი ყურადღება პარიზისკენაა, ლისაბონის "და ლუჟზეც" შესანიშნავი დაპირისპირება გველოდება. "ბენფიკამ" ყველაზე ნაკლები ქულით გააღწია ჯგუფური ეტაპიდან, მაშინ, როცა "დორტმუნდი" ჯგუფურ ეტაპზე შეუდარებელი იყო, მაგრამ ახლა ეს ნაკლებად მნიშვნელოვანია, მით უფრო, რომ "არწივები" კარგად თამაშობენ გერმანელების წინააღმდეგ - 20 საშინაო მატჩიდან მხოლოდ ორი დათმეს.</p><p>ორშაბათის ვარჯიში ბრაზილიელმა ჟონასმა ზურგის ტკივილის გამო გამოტოვა, თუმცა "დორტმუნდის" წინააღმდეგ თამაშს ალბათ, მაინც შეძლებს. სტუმრებს მარიო გიოტცე დააკლდებათ კუნთის პრობლემის გამო; არ იქნება სვენ ბენდერიც.</p><p><p><div style="text-align: center;"><span style="font-weight: bold; font-size: 12.16px;"><span style="color: #ff0000;">პრესკონფერენცია</span></span></div></p> <strong>რუი ვიტორია</strong> (ბენფიკა): "ჟონასი გუნდშია, მაგრამ მას გაუჭირდება შემადგენლობაში მოხვედრა. ხვალ მას სპეციალურად შეამოწმებენ და მხოლოდ ამის შემდეგ გადაწყდება, ითამაშებს თუ არა. ჩვენი მეტოქე ძალიან ძლიერია, რომელსაც დიდებული შემტევები ჰყავს. მათ შეუძლიათ სათამაშო სქემის შეცვლა, ისე, რომ ინტენსივობა არ დააგდონ. მნიშვნელოვანია მცირე დეტალები, რომლებიც შესაძლოა, გადამწყვეტიც აღმოჩნდეს. "ბენფიკა" ამბიციური გუნდია, ჩვენ დარწმუნებულნი ვართ საკუთარ შესაძლებლობებში. ამიტომ მეტოქეც უნდა გვიფრთხილდეს".</p><p><strong>თომას ტუხელი</strong> (დორტმუნდი): "ძალიან სერიოზული მეტოქეა, უდიდესი ისტორიით, ამიტომ ჩვენი დავალებაც ძალიან ძნელია. "ბენფიკა" შინ ძალიან სახიფათოა. სწრაფად და აკურატულად უნდა ვითამაშოთ, მეტოქეს სივრცე არაფრის დიდებით არ უნდა დავუტოვოთ. რაც შეიძლება მეტი გოლი უნდა გავიტანოთ, შემტევი სტილი გუნდის ძლიერ ხასიათს აყალიბებს".</p><p><p><div style="text-align: center;"><span style="font-weight: bold; font-size: 12.16px;"><span style="color: #ff0000;">გასულ უქმეებზე</span></span></div></p> "დორტმუნდმა", ყველასთვის მოულოდნელად, 1:2 წააგო ბოლოადგილოსან "დარმშტადტთან". ეს 26 ნოემბრის მერე პირველი მარცხი იყო ტუხელის გუნდისთვის. რაფაელ გერეირომ ბოლო ხუთ თვეში პირველი გოლი გაიტანა.</p><p>"ბენფიკამ" "აროუკას" იოლად სძლია - 3:0. კოსტას მიტროღლუმ ამ თამაშში დუბლი შეასრულა, ერთი გოლი კი ანდრე კარილიომ გაიტანა. არადა, 41-ე წუთზე "არწივებს" მეკარე ედერსონი გაუძევეს.</p><p><span style="text-decoration: underline;">სამშაბათი. 14 თებერვალი</span></p><p><strong>პსჟ-ბარსელონა 23:45</p><p></strong>დისკვალიფიკაცია: ტ. მოტა -</p><p>ტრავმა: ტ. სილვა - არდა თურანი, მასკერანო, ა. ვიდალი</p><p>სავარაუდო შემადგენლობები</p><p>პსჟ (4-3-3): ტრაპი - ორიე, მარკინიოსი, კიმპემბე, მაქსველი - ვერატი, რაბიო, მატუიდი - ლუკასი, კავანი, დრაქსლერი</p><p>ბარსელონა (4-3-3): ტერ შტეგენი - ს. რობერტო, პიკე, უმტიტი, ალბა - რაკიტიჩი, ბუსკეტსი, ინიესტა - მესი, ლ. სუარესი, ნეიმარი</p><p>მსაჯი: შიმონ მარცინიაკი (პოლონეთი)</p><p>ურთიერთშეხვედრები: +2=3-4 (11-16)</p><p><strong>ბენფიკა-დორტმუნდი 23:45</p><p></strong>დისკვალიფიკაცია: ჟივკოვიჩი -</p><p>ტრავმა: ლისანდრო ლოპესი, ჟონასი (?) - გიოტცე, ბენდერი, როდე (?)</p><p>სავარაუდო შემადგენლობები</p><p>ბენფიკა (4-4-2): ედერსონი - სემედუ, ლუიზაო, ლინდელიოფი, ელიზეუ - ფეიშა, პიცი, სალვიო, კარილიო (ალმეიდა) - ჟონასი, მიტროღლუ</p><p>დორტმუნდი (4-5-1): ბიურკი - პიშჩეკი, სოკრატისი, ბარტრა, შმელცერი - ვაიგლი, კასტრო, გერეირო, დემბელე, როისი - ობამეიანგი</p><p>მსაჯი: ნიკოლა რიცოლი (იტალია)</p><p>ურთიერთშეხვედრები: +1=0-1 (2-6)</p><p><em>საპასუხო მატჩები - 8 მარტს</p><p></em></p><p><strong>ყოველდღიური სპორტული გაზეთი "ლელო"</strong></p>
"ბარსელონას" კიდევ ორი ფეხბურთელი პსჟ-სთან ვერ ითამაშებს
რაშფორდი: დიდხანს მინდა "ბარსელონაში" დავრჩე
პსჟ სიაში მესამეა - სუპერკომპიუტერმა ჩემპიონთა ლიგის ფავორიტი დაასახელა
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
U17 | საქართველო 3:0 ლიეტუვა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
შეხვედრის გაგრძელება შეუძლებელი იყო - საოცარი ამბავი "ბენფიკას" მატჩში - გახსენება [VIDEO]
"ელექტრულად მოძრავი, მეტოქის კოშმარი" - უცხოური სპორტული მედია ხვიჩა კვარაცხელიაზე
[VIDEO] მიქაუტაძის დებიუტი ჩემპიონთა ლიგაზე - "ვილიარეალის" მარცხი, "რეალის" და "ყარაბაღის" გამარჯვებები და რვაგოლიანი მატჩი ტურინში
ზივზივაძის "ჰაიდენჰაიმს" ახალი მეკარე ჰყავს
"რეალმა" "დორტმუნდს" სძლია და ნახევარფინალში პსჟ-ს შეხვდება
"დორტმუნდმა" იულიან ვაიგლი 20 მილიონად გაყიდა
პსჟ გერმანიის ნაკრების მცველის შეძენას აპირებს
"ბენფიკას" მწვრთნელი: 20 მილიონი რომ ვღირდე, ცოლი გასაყიდად გამომიტანდა
"ბარსელონას" კიდევ ორი ფეხბურთელი პსჟ-სთან ვერ ითამაშებს
თურქული კლუბი მაკარიძეს ემუქრება: არ ჩამოვა და...
Le Parisien: ფლანგებზე კვარაცხელია და ბარკოლა - დღეს "ბარსელონასთან" მატჩის გენერალური რეპეტიციაა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
[VIDEO] ზივზივაძე "დორტმუნდთან" მატჩში გააძევეს
[VIDEO] ბუდუს პირველი წითელი ბარათი კარიერაში - "ჰაიდენჰაიმი" "დორტმუნდთან" დამარცხდა
32 წლის მწვრთნელმა ჩემპიონთა ლიგის ისტორია გადაწერა
A bola: "სპორტინგსა" და "ბენფიკას" მაკარიძე სურთ - "ვიტორიამ" ქართველს ფასი დაადო
"მეტოქეს პატივს ვცემთ, თუმცა ჩვენი ფეხბურთი უნდა ვითამაშოთ, რაც შეეხება მბაპეს..." - კვარაცხელიამ "რეალთან" მატჩის წინ კომენტარი გააკეთა
"იცოდა, რომ პსჟ-ზე ჰკითხავდნენ და დაიმალა" - როტენმა მბაპე გააკრიტიკა
Le Parisien-ი კვარაცხელიას ტრავმის შესახებ ინფორმაციას ავრცელებს
[PHOTO] ჩემპიონთა ლიგის ფინალის შემდეგ ვანდამ საღამო პსჟ-ს ვარსკვლავთან გაატარა
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
"წინ დიდი გამოცდა გველოდება" - ალონსო პსჟ-სთან მატჩის წინ
"არც მესია, არც რონალდო და არც მარადონა, მაგრამ..." - არშავინმა კვარაცხელიაზე ისაუბრა