<p>ევრობასკეტის წინ საქართველოს და ლატვიის ეროვნული ნაკრებები ამხანაგურ მატჩს გამართავენ <br> ევრობასკეტის წილისყრა 30 იანვარს ჩატარდა. მას მერე თვეზე მეტი გავიდა, მაგრამ ზაფხულში მოსამზადებელი გეგმა სრულად ჯერაც არ დადგენილა. ასეთ სიტუაციაში მხოლოდ საქართველოს ნაკრები არ არის - ევროპის ჩემპიონატის მონაწილე ბევრ გუნდს არ გაურკვევია ზაფხულში, ვის როდის ეთამაშება.</p><p>- სხვადასხვა ქვეყნის ფედერაციასთან მოლაპარაკებები მიმდინარეობს. ზოგ ტურნირზე ის გუნდები არიან მიწვეულნი, რომლებიც ევრობასკეტზე ჩვენი მეტოქეები იქნებიან, ზოგი შეჯიბრება თბილისურ ტურნირს ემთხვევა. არის რამდენიმე ვარიანტი და საბოლოოდ ისეთს შევარჩევთ, საქართველოს ნაკრებს სრულყოფილი შეკრება რომ გამოუვიდეს, - გვითხრა კალათბურთის ფედერაციის გენერალურმა მდივანმა მერაბ რატიშვილმა.</p><p>მან იქვე დასძინა, გარკვეულია მხოლოდ ის, რომ თბილისის მერიის თასზე ისრაელის ნაკრები ითამაშებს. დანარჩენი ორი მოწინააღმდეგის ვინაობა დგინდება. ბატონ მერაბს ერთ სიახლეზეც ვკითხეთ, რომელიც თავდაპირველად ლატვიის ნაკრების თავკაცის, აინარს ბაგაცკისისგან შევიტყვეთ - ლატვიისა და საქართველოს ნაკრებთა შორის ორი საკონტროლო მატჩი იგეგმება.</p><p>- ლატვიის ნაკრების მოსამზადებელი ეტაპის გეგმა ახლა დგინდება. გადაჭრით მხოლოდ იმის თქმა შემიძლია, რომ აგვისტოში საქართველოსა და ლატვიის ნაკრებები ამხანაგურად ითამაშებენ. ეს შეხვედრები ქართველებისთვისაც სასარგებლო უნდა იყოს და ჩემი გუნდისთვისაც, - აღნიშნა აინარს ბაგაცკისმა.</p><p>მერაბ რატიშვილს ლატვიასთან მატჩების თარიღები ვკითხეთ.</p><p>- ორივე გუნდის მწვრთნელი საკონტროლო მატჩებზე სიტყვიერად შეთანხმდნენ და გადაწყვეტილია, რომ ლატვიელებს ვეთამაშებით. ისიც ცნობილია, რომ მატჩები ლატვიაში ჩატარდება. თუმცა, ჯერჯერობით ზუსტი თარიღები არ დადგენილა - ველით ლატვიის კალათბურთის ფედერაციის ოფიციალურ წერილს.</p><p>უნდა ვივარაუდოთ, რომ იგორ კოკოშკოვის გუნდი აინარს ბაგაცკისის კრებულს აგვისტოს ბოლოს "დაეჭიდება" და მეზობელ ლიტვაშიც ლატვიიდან გადავა.</p><p>2010 წელს, ევროშესარჩევზე ბაგაცკისის გუნდის საშუალო ასაკი 22 წელი იყო - რამდენიმე გამოცდილ კალათბურთელს დისკვალიფიკაცია ჰქონდა. მწვრთნელს ეიმედება, რომ ევროპის ჩემპიონატის წინ გამოცდილი მოთამაშეებიც დაემატებიან, თუმცა დასძენს:</p><p>- ნაკრებში ისეთმა კალათბურთელებმა უნდა ითამაშონ, რომლებსაც ეს სურთ და ბოლომდე იხარჯებიან. ძალიან მინდა სრული საბრძოლო შემადგენლობა შევკრიბო. ვნახოთ, ეს როგორ მოხერხდება.</p><p>შეგახსენებთ, რომ ლატვიელებს აქამდე ერთადერთხელ ვეთამაშეთ: 2008 წელს რიგის ტურნირზე ქართველებმა ჯერ საფრანგეთთან დათმეს (69:90), შემდეგ ჩეხეთს მოუგეს (74:68), ბოლო მატჩში კი ლატვიელებსაც აჯობეს - 80:72. იმ მატჩში ვლადიმერ ბოისა გამოირჩა, მან 18 ქულა ჩააგდო.</p><p>"კარგად მახსოვს ქართველთა თამაში ლატვიაში. მაშინაც დავრწმუნდი, რომ ძლიერი შემადგენლობა გყავთ. რაც მთავარია, საქართველოს ნაკრები მზარდი გუნდია, რაც ევროპის ჩემპიონატზე მოხვედრითაც დაადასტურა", - ესეც ანარს ბაგაცკისის სიტყვებია.</p><p><strong>2008 წელი, რიგა</p><p><em>ლატვია-საქართველო 72:80 </em></strong></p><p>19:22, 15:22, 17:20, 21:16</p><p>საქართველო: ცინცაძე (22 წთ, 5 ქ, 3 პ), ელისი (30 წთ. 10 ქ. 3 პ.), სანიკიძე (28 წთ. 5ქ. 7 მ), ცქიტიშვილი (24 წთ. 9 ქ. 7 მ), ფაჩულია (25 წთ. 14 ქ. 8 მ); ვ. ბოისა (23 წთ. 18 ქ), შერმადინი (7 წთ. 3 მ. 2 დ), გამყრელიძე (25 წთ. 14 ქ. 3 პ), ა. ბოისა (13 წთ. 5 ქ), ტუღუში (2 წთ).</p><p>.</p>
ვვვ
:/ ოთხივე იმათ გაუტანიათ თან :/
gg
ჩვენნაირი ჰუმანური და ქველმოქმედი ნაკრები განა სადმე არის. :) :) ვაი ვაი ვაი.
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"წავაგეთ ნაკრებთან, რომელმაც კალათბურთის თამაში 12 თვის წინ დაიწყო" - რას წერენ ფრანგი გულშემატკივრები საქართველოსთან მარცხის შემდეგ?
შენგელია: გასაკვირია ჯიკიჩი ევროლიგის გუნდს რომ არ წვრთნის
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!