"ბაიას" მეოთხე ადგილზე გასვლა ჩვენი ჩემპიონატის შეურაცხყოფა იქნება

ინტერვიუ ელგუჯა ქომეთიანთან ზუგდიდის "ბაიამ" ეროვნული ჩემპიონატის მეორე ეტაპი რიხიანად დაიწყო და საწყის სამ ტურში შვიდი ქულა მოიპოვა. ამას ზესტაფონში განადგურება მოჰყვა, მაგრამ გუნდის მთავარი მწვრთნელი ელგუჯა ქომეთიანი დარწმუნებულია, რომ ამ უსიამოვნო ამბავს მისი ფეხბურთელები მალე დაივიწყებენ და შედეგიანად ასპარეზობას გააგრძელებენ.ქომეთიანის ერთი გულწრფელი ფრაზა კი სათაურში გამოგვაქვს. ასეთ პირდაპირობას ქართულ ფეხბურთში მოღვაწე პიროვნებათაგან იშვიათად თუ წავაწყდებით და "ბაიას" თავკაცს აზრის შეულამაზებლად გამოთქმა უნდა დავუფასოთ.- რატომ ვერ შეძლო "ბაიამ" "ზესტაფონისთვის" თუნდაც მცირედი წინააღმდეგობის გაწევა?- ამ თამაშზე უიმედოდ ნამდვილად არ გავსულვართ. რაღა თქმა უნდა, "ზესტაფონი" გამორჩეულად ძლიერი გუნდია, მაგრამ ასეთი სხვაობით მარცხს მაინც არ ველოდით. მატჩამდე ყველანაირად შევეცადე, ბიჭებისთვის ფსიქოლოგიური ტვირთი მომეხსნა. მათ ვუთხარი, რომ წაგება კატასტროფა არ იქნებოდა და თავისუფლად თამაში ვთხოვე. გვინდოდა, ჩვენს სტილში, ლამაზად გვეთამაშა და მაყურებლისგან ტაში დაგვემსახურებინა. სამწუხაროდ, ეს არ გამოგვივიდა, რადგან ჩემი გამოუცდელი ფეხბურთელები სავსე ტრიბუნებმა დაზაფრა.- უხეში შეცდომები დაუშვა "ბაიას" დაცვამ. გუნდის ძირითად შემადგენლობაში სერიოზულ ცვლილებებს ხომ არ უნდა ველოდოთ?- საკადრო რევოლუციას ნამდვილად ვერ მოვახდენ, მაგრამ რამდენიმე პოზიციაზე, ალბათ, სხვა ფეხბურთელებს მივცემ თავის გამოჩენის შესაძლებლობას. ზესტაფონში ჩასვლამდე სამ შეხვედრაში მხოლოდ ერთი გოლი გავუშვით, ბოლო მატჩში კი დაცვამაც საშინლად ითამაშა და არც სხვა რგოლები ბრწყინავდნენ. სწრაფი გოლი მივიღეთ, მაგრამ ანგარიში მალევე გავათანაბრეთ და წარმატების იმედი მომეცა, მაგრამ ყოველგვარი გადაჭარბების გარეშე ვიტყვი, რომ ზესტაფონში სრული კატასტროფა განვიცადეთ. ამის მიზეზების პოვნა ძალიან მიჭირს. გადატვირთულ კალენდარს ვერაფერს დავაბრალებ, რადგან "ზესტაფონამდე" "დინამოსთან" მატჩი გადაგვედო და დასვენებულები ვიყავით.- მარცხის მიუხედავად, ირაკლი ქობალიას მოედანი უგოლოდ არც ამჯერად დაუტოვებია...- ჩემპიონატის მეორე ეტაპის დაწყებამდე ვთქვი, რომ იგი სეზონის ერთ-ერთი უმთავრესი აღმოჩენა გახდებოდა და როგორც ხედავთ, ჩემი სიტყვები მართლდება. ირაკლი განსაკუთრებული მონაცემების მქონე თავდამსხმელია, რომელიც სათანადო ხელშეწყობის შემთხვევაში მხოლოდ "ბაიას" კი არა, მთლიანად ქართულ ფეხბურთს ძალიან გამოადგება. საერთოდ, ჩვენთან უნიჭო მოთამაშე ვერ მოხვდება და დიდი ფეხბურთის თამაში ჩვენს სხვა ახალგაზრდებსაც შეუძლიათ – აფაქიძეს, სიხარულიას, ეხვაიას, რიგვავას...- სეზონის მეორე ნახევრის სტარტმა ცხადჰყო, რომ "ბაიას" ჩემპიონატში მეოთხე ადგილზე გასვლის შანსი აქვს.- "ბაიას" მეოთხე ადგილზე გასვლა ჩვენი ჩემპიონატის შეურაცხყოფა იქნება, მაგრამ მადა ჭამაში მოდისო და ყველანაირად ვეცდებით ევროთასებზე გასასვლელად ბრძოლას. თუმცა არ გვავიწყდება, რომ ჩვენი მთავარი მიზანი უმაღლეს ლიგაში დარჩენაა. ვნახოთ, როგორ განვითარდება მოვლენები. საწყის სამ ტურში მიზნად ხუთი ქულის მოპოვება გვქონდა დასახული, მაგრამ შვიდი ავიღეთ. კმაყოფილი ვარ როგორც შედეგით, ასევე იმ შეხვედრებში ნაჩვენები თამაშის ხარისხით. მჯერა, რომ "ზესტაფონთან" მარცხს მალე დავივიწყებთ და შემდგომ შეხვედრებს გაცილებით მაღალ დონეზე ჩავატარებთ.- "ზესტაფონის" შემდეგ კიდევ ერთი რთული გასვლითი მატჩი გელით რუსთავის "ოლიმპთან".- ჰოდა, ზუსტად ასეთ ძლიერ მეტოქესთან ბრძოლაში შევეცდებით საკუთარი შესაძლებლობების სრულად წარმოჩენას.- "ბაიას" ფინანსური მდგომარეობის მხრივ რაიმე სიახლე ხომ არაა?- სიტუაცია არც სასიხარულოა და არც – კატასტროფული. გასული წლის დავალიანებები კიდევ დასაფარია, მაგრამ სამაგიეროდ, ფეხბურთელებსა და პერსონალს იანვრისა და თებერვლის ხელფასები სრულად გაუსტუმრეს.

tolika

რა სავსე ტრიბუნები იყო ასეთი ზესტაფონის სტადიონზე, ფეხბურთელები რომ დაზაფრა? მაშინ ტორპედოს სტადიონზე მაგისი ფეხბურთელები გასახდელიდანაც ვერ გამოვლენ.
tolika

რა სავსე ტრიბუნები იყო ასეთი ზესტაფონში, რომ ფეხბურთელები დაზაფრა? ეს ქომეთიანი ნაღდად უბერავს. მაშინ ტორპედოს სტადიონზე მაგისი ფეხბურთელები გადახდელიდანაც ვერ გამოვლენ.

ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა

GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში

ფრე ქუთაისში... და "თელავის" მოგება "გაგრასთან"

არისაბალაგა შეიძლება ფაბრეგასის გუნდში გადაბარგდეს

დუდუ დადიანის მემორიალზე ნახევარფინალისტები დაწყვილდნენ

გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა

[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა

Le Parisien-ი კვარაცხელიას ტრავმის შესახებ ინფორმაციას ავრცელებს

U17 | საქართველო 3:0 ლიეტუვა

წიტაიშვილი და აბუაშვილი შეცვლაზე და "მეცის" ფრე "ჰავრთან"

GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში

იური ტაბატაძე შეცვალეს - "კადისი" "სეუტასთან" ფრეს დასჯერდა

ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა

გოგლიჩიძე ისევ არ ათამაშეს - "უდინეზე" დამარცხდა

"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ

"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო

"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა

"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია

"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა

[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"

ფრე ქუთაისში... და "თელავის" მოგება "გაგრასთან"

ლუის ენრიკემ კვარაცხელიას ტრავმაზე კომენტარი გააკეთა

"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ